14 تامىز, 18:12 206 0 جاھان Túrkistan Gazeti

جاپونياعا تايفۋن ءتونىپ كەلەدى: 400-گە جۋىق اۋە رەيسى توقتاتىلدى

«كروسا» تايفۋنىنىڭ جاقىنداۋىنا بايلانىستى جاپونيانىڭ كيۋسيۋ ارالىن باسقا اۋداندارمەن بايلانىستىراتىن 400-گە جۋىق ىشكى اۋە رەيستەرىنىڭ قوزعالىسىنا شەكتەۋ قويىلدى، دەپ حابارلايدى قازاقپارات.

NHK تەلەارناسىنىڭ اقپاراتىنا سايكەس، سارسەنبى كۇنى 170 اۋە رەيسى توقتاتىلعان. سونداي-اق، بەيسەنبىگە جوسپارلانعان 228 ىشكى اۋە رەيستەرى كەيىنگە قالدىرىلدى. قازىرگى ۋاقىتتا تايفۋن تانەگاسيما ارالىنان شىعىسقا قاراي 190 شاقىرىم جەردە. جەلدىڭ ورتالىقتاعى جىلدامدىعى سەكۋندىنا 30 مەتردى قۇرايدى، ال ۇيىتقۋى كەزىندە سەكۋندىنا 40 مەترگە دەيىن ارتادى. تولقىنداردىڭ بيىكتىگى 9 مەترگە جەتۋى ىقتيمال. تايفۋن كيۋسيۋ ارالىنا بەيسەنبىگە قاراعان ءتۇنى ءتونۋى مۇمكىن، ال الداعى 24 ساعاتتا باتىس جاعالاۋ مەن سيكوكۋ ارالىنىڭ ورتالىق اۋداندارىنا، سونداي-اق، حونسيۋ ارالىنىڭ ورتالىق اۋداندارىنا جەتەدى دەپ كۇتىلۋدە.

تەگتەر جاپونيا

سوڭعى جاڭالىقتار