14 تامىز, 17:59 202 0 ايماق Túrkistan Gazeti

سولتۇستىك قازاقستاندا جانارماي قۇيىلعان ەكى كولىك جانىپ كەتتى

وڭىردەگى  شارۋاشىلىقتاردىڭ بىرىندە جانارماي قۇيىلعان اۆتوتسيستەرنا ورتكە وراندى. بۇل تۋرالى egemen.kz حابارلايدى.

قاتتى جەلدىڭ سالدارىنان جالىندى ءسوندىرۋ مۇمكىن بولماعان. قاسىنداعى جۇك كولىگى دە جانىپ كەتكەن.

وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا، ءورت ماعجان جۇماباەۆ اۋدانى قاراقوعا اۋىلى ماڭىنداعى «جيگالوۆ» شارۋا قوجالىعىنا تيەسىلى جانارماي بازاسىندا شىققان. وقيعا ورنىنا بۋلاەۆ جانە پەتروپاۆل قالالارىنىڭ ءورت سوندىرۋشىلەرى تەز جەتىپ، 9 مامان مەن 4 تەحنيكا ءورتتى اۋىزدىقتاۋعا  جۇمىلدىرىلعان.  ولاردىڭ جۇمىسىن قاتتى جەل قيىنداتىپ جىبەرگەن.

ءورت شارۋاشىلىقتىڭ جانارماي بازاسىندا كاماز اۆتوتسيستەرناسىنان ديزەل وتىنىن اعىزۋ كەزىندە شىققان كورىنەد. قاتتى جەل ءورتتى ءورشىتىپ، قاسىندا تۇرعان گاز – 53 كولىگىن دە شارپىعان. سالدارىنان ەكى ماشينا دا جانىپ كەتكەن. ايتەۋىر جانارماي ساقتالعان قويمالار امان.

سوڭعى جاڭالىقتار