14 تامىز, 17:56 473 0 جاڭالىقتار Túrkistan Gazeti

ەكولوگيا، گەولوگيا جانە تابيعي رەسۋرستار ۆيتسە-ءمينيسترى تاعايىندالدى

قر ۇكىمەتىنىڭ قاۋلىسىمەن سەرگەي نيكولاەۆيچ گروموۆ قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى. 

سەرگەي گروموۆ 1959 جىلى تالدىقورعان وبلىسىندا دۇنيەگە كەلگەن.

1981 جىلى جامبىل گيدرومەليوراتسيا-قۇرىلىس ينستيتۋتىن گيدرومەليوراتسيا ماماندىعى بويىنشا، 1991 جىلى الماتى ساياساتتانۋ جانە باسقارۋ ينستيتۋتىن الەۋمەتتىك-ساياسي قاتىناستار تەورياسى ماماندىعى بويىنشا، 2002 جىلى اۋليە اتا ۋنيۆەرسيتەتىن قۇقىقتانۋ ماماندىعى بويىنشا تامامداعان.

ەڭبەك جولىن 1981 جىلى جامبىل گيدرومەليوراتسيا-قۇرىلىس ينستيتۋتىندا وقىتۋشى بولىپ باستاعان.

1998 جىلدان باستاپ مەملەكەتتىك قىزمەتتە جۇمىس ىستەيدى. ءتۇرلى جىلدارى وڭتۇستىك قازاقستان وبلىسىندا اۋدان اكىمى، اكىمنىڭ ءبىرىنشى ورىنباسارى، پرەزيدەنت اكىمشىلىگىنىڭ مەملەكەتتىك ينسپەكتورى بولىپ جۇمىس ىستەدى.

2007 جىلدان 2011 جىل ارالىعىندا «نۇر وتان» حالىقتىق-دەموكراتيالىق پارتياسىنىڭ اپپارات باسشىسى، توراعاسىنىڭ ورىنباسارى، حاتشىسى بولدى.

 2011 جىلعى قىركۇيەكتەن 2013 جىل ارالىعىندا قر قورعانىس ءمينيسترىنىڭ ورىنباسارى لاۋازىمىن اتقاردى.

2013 جىلدىڭ تامىزىنان 2016 جىلدىڭ قاڭتارى ارالىعىندا  — V شاقىرىلىمىنداعى قر پارلامەنتى سەناتىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى.

2016 جىلدىڭ قاڭتارىنان قازىرگە دەيىن — قر پارلامەنتى سەناتى توراعاسىنىڭ ورىنباسارى.

سوڭعى جاڭالىقتار