14 تامىز, 17:31 364 0 ايماق Túrkistan Gazeti

الماتىدا سەل قاۋپى سەيىلدى

الماتى تۇرعىندارى ءۇشىن سەل قاۋپى سەيىلدى. قارعالى وزەنىنىڭ ارناسىندا سۋ شتاتتىق رەجىمدە اعىپ جاتىر. بۇل تۋرالى قازاقپارات حاا حابارلادى. 

سوڭعى اۋە بارلاۋ ناتيجەسى بويىنشا №1 مۇز كولىندە سۋ دەڭگەيى 6-7 مەترگە تومەندەگەنى انىقتالدى. 20-25 مىڭ تەكشە مەتر سۋ اعىزىلعان. «قازسەلدەنقورعاۋ» مك ماماندارىنىڭ ايتۋىنشا، بۇل سۋ باسۋدى تاسقىن دەپ قاراستىرۋعا بولمايدى. ويتكەنى، تاس، قۇم، لاي بولعان جوق. سۋدىڭ لايلىلىعى تومەندەپ كەلەدى. ناۋرىزباي، الاتاۋ، اۋەزوۆ اۋداندارىندا باقىلاۋ مەن قاۋىپسىزدىك شارالارى ءۇشىن ارنايى جۇمىسكەرلەر مەن تەحنيكا كۇزەتكە تۇرادى»، - دەدى تجك ءباسپاسوز قىزمەتى.

قارعالى وزەنىنىڭ اعىنى شتاتتىق رەجىمگە كوشتى. پلوتينا ايماعىندا احۋالدى «قازسەلدەنقورعاۋ» مك ماماندارى باقىلاپ وتىر. بوگەتتەن تومەن الاتاۋ اۋدانىنا دەيىن تجد ماماندارىنىڭ قاراۋىندا. اۋلالاردى، كوشەلەردى سۋ باسۋ جاعدايلارى تىركەلمەدى.

 

تەگتەر الماتى سەل

سوڭعى جاڭالىقتار