14 تامىز, 12:55 1069 0 ونەر ءTúrkىstan International Political Weekly

47 بالانىڭ اناسى

جەتىم... ءبىزدىڭ قوعام اتا-انا قاراۋىنسىز قالعان تاستاندىلارعا وسىنداي اتاۋ بەرگەن. مۇزداي سۋىق ءارى تاستاي قاتتى ءسوز. جۇرەك سىزداتارلىق بۇل اتاۋ قازىرگى كۇدە كوبەيمەسە ازايار ەمەس. نەگە؟ زامان ازعىندادى ما الدە ادام با بەلگىسىز. ايتەۋىر، جەتىمدەر ءۇيىنىڭ ەسىگىن سىعالاعان ۇرپاق كوپ. نە ىزدەۋى، نە سۇراۋى جوق كوشە كەزگەن قاڭعىباسقا اينالعان بالالاردىڭ ومىرىنە كىم جاۋاپتى؟ وزىمدىكى دەپ تاپقان باۋىرەتىن وزەككە تەپكەن اكە مەن شەشە مە، الدە، سول دالادا شاشىلعان بالانى جيناي الماي وتىرعان بيلىك پە؟ بۇل وتە ۇلكەن ماسەلە. ۇلقا ۇلكەن قاۋىپ توندىرەتىنى داۋسىز. سەبەبى، بىرنەشە ميلليون عانا حالقى بار ەلىمىزدىڭ ەرتەڭى جاستاردىڭ قولىندا. ال، ءبىزدىڭ ءبىرشاما ەلىم دەر ەرلەرىمىز بەن قاراگوزدەرىمىز اتا-انا ماحابباتىنان ادا قالىپ، جاستىق شاعىن جالتاقتاۋمەن وتكىزىپ، جەتىمدىكتىڭ اششى ءدامان تاتىپ ءوسىپ كەلەدى. شەكارا اسىپ شەت ەلدىڭ ازاماتى اتانعانى قانشاما. ونىڭ ءوزى بولەك تاراۋ، بولەك اڭگىمە.

پسيحولوگتاردىڭ ايتۋىنشا بالالار ءۇيىنىڭ تاربيەلەنۋشىلەرى كوبىنەسە قوعامنان شەتتە قالىپ قالادى. سونداي اق ول بالدىرعانداردىڭ ساعى سىنعىش، جۇيكەسى ءالسىز بولادى. دەسە دە، مەملەكەت تاراپىنان جاسالىپ جاتقان جاعداي دا از ەمەس. بالاقايلاردىڭ كيىم كەشەگى مەن جاتىن ورنى، ءىشىپ-جەم تاماعى وكىمەتتىڭ موينىندا. پاناسىز قالعان تاستاندىلار دا ءبىلىم الۋعا قۇقىلى عوي. مەملەكەت وعان دا جاعداي جاساپ وتىر. سونداي اق، جەتىمدەر ءۇيىنىڭ جەتكىنشەكتەرىنە قوعام بەلسەندىلەرى دە قولدان كەلگەن كومەكتى اياپ جاتقان جوق. الايدا، ءبىز ولارعا بال مەن ماي بەرسەك تە، اكە مەن انانىڭ بەرگەن قارا سۋىنىڭ ورنىن تولتىرا الماسى وكىنىشتى.

قيلى تاعدىردى باستان كەشىپ، ءومىر اتتى وتكەلدىڭ اششى تىرناعىنا ەرتە ىلىككەن بەيكۇنا جۇرەكتەردىڭ جاراسى ەمدەلمەسى انىق. دەسە دە، ولار دا قوعامنىڭ ءبىر بولشەگى. ءبىز جەسىرىن سىيلاپ، جەتىمىن جىلاتپايتۇعىن قازاق دەگەن ەل ەمەس پا ەدىك... وسى سوزگە تۇزدىق بولسىن، ءوز ورتامىزدا بولىپ جاتقان وقيعالار ادام مەيىرمدىلىگىنىڭ شەگى جوق ەكەنىن دالەلدەي بەرەدى. قالاي دەيسىز عوي. قازىرگى تاڭدا ەلىمىزدە وسىنداي اتا-انا قاراۋىنسىز قالعان بوبەكتەردى پاناسىنا الىپ، ءبىرشاماسىنىڭ باسىن بىرىكتىرپ، ايرانداي ۇيىپ وتىرعان وتباسىلار قانشاما. ءوزىنىڭ قانى بولماسا دا وزگەنىڭ بوبەگىن باۋىرىنا باسىپ، اياقتاندىرىپ، سىنعان قاناتقا جان بىتىرگەن مەيىربان جاندار از ەمەس. ءوز ماڭداي تەرىمەن ەڭبەكتەنىپ، تاپقان ءبىر تابا نانىن سول بالالاردىڭ اۋزىنا توسقان اسىراۋشىلارعا دەگەن قۇرمەت تە ەرەكشە بولۋى ءتيىس.

مەنىڭ بۇل سوزىمە ومىردەن الىنعان وقيعالاردى سۋرەتتەيتىن، جاڭادان جارىق كورگەلى جاتقان «47 بالانىڭ اناسى» تەلەسەريالى دالەل. 47 تاعدىردى توعىستىرعان انانىڭ ءومىرى كەز كەلگەنگە ۇلگى-ونەگە بولارى انىق.

“QAZAQSTAN” ۇلتتىق ارناسىنان كورەرمەنگە جول تارتقان مەلودراما جۋىردا كوگىلدىر ەكرانعا شىعادى. ءومىردىڭ اششى شىندىعىنان سىر شەرتەتىن بۇل فيلم وزەكتى ماسەلەنىڭ شەشىلۋىنە مۇرىندىق بولسا قۇبا-قۇپ ەمەس پە؟! وسىنداي مادەنيەت ۇلگىلەرى ۇلتتىڭ ماسەلەسىنە قارلىعاشتىڭ قاناتىمەن سۋ سەپكەندەي پايداسىن تيگىزسە دەگەن وي ءار كوكرەكتە سايراپ تۇر. ەلىمىزدىڭ ءبىر جىرتىعى جامالسا ول ءبىز ءۇشىن ۇلكەن جەڭىس!

سوڭعى جاڭالىقتار