14 تامىز, 10:40 230 0 قاۋىپسىزدىك Túrkistan Gazeti

الماتىدا سەل قاۋپى بار

الماتىنىڭ ناۋرىزباي اۋدانىنا قارعالى وزەنىندە سەل ءجۇرۋ قاۋپى ءتونىپ تۇرعاندىقتان دابىل جاريالاندى.

«قارعالى وزەنى اعاتىن ناۋرىزباي اۋدانىندا سەل ءجۇرۋ قاۋپى بار، سەبەبى سۋدىڭ دەڭگەيى كۇرت تومەندەگەن جانە بوگەتتى كەز كەلگەن ساتتە بۇزىپ كەتۋى مۇمكىن. مۇمكىندىگىنشە قۇجاتتارىڭىزدى الىپ، قالاعا قاراي كەتىڭىزدەر. بوگەت بۇزىلماۋى دا مۇمكىن، الايدا قاۋىپتىڭ ىقتيمالدىعى جوعارى»، - دەپ ءتۇسىندىردى 112 نومىرىنەن.

«2019 جىلدىڭ 14 تامىزىندا ناۋرىزباي اۋدانىندا شاعىن كولەمدە سەل شىعارۋ جۇرگىزىلدى. تۇرعىندارعا ەسكەرتىپ ۇلگەردىك. ەنەرگەتيكا قىزمەتىنە جارىقتى، گازدى ءوشىرۋ تۋرالى كوماندا بەرىلدى. ەسكەرتەمىز، تۇرعىنداردى كوشىرەمىز. الماتى قالالىق تجد اۋەزوۆ جانە الاتاۋ اۋداندارىندا قارعالى وزەنىنىڭ تومەنگى جاعىندا تۇراتىن تۇرعىندارعا ەسكەرتۋ جاساپ جاتىر»، - دەپ ءتۇسىندىردى الماتى تجد-دان.

الماتىدا سەل ءجۇرۋ قاۋپىنە بايلانىستى ناۋرىزباي اۋدانىندا ەۆاكۋاتسيالاۋ پۋنكتتەرى بەلگىلەندى.

«ەۆاكۋاتسيالاۋ پۋنكتتەرى: 1. ەسكى اكىمشىلىك (جاندوسوۆ-رىسقۇلوۆ). 2. شاحمەردەنوۆ اتىنداعى 175 مەكتەپ. 3. 158 مەكتەپ. (جاندوسوۆ – ياساۋي قيىلىسى)»، - دەلىنگەن الماتى اكىمدىگى تاراتقان حابارلامادا.

تجد سوڭعى ۋاقىتتاردا مۇزدىق كولدەرى سۋىنىڭ اعىزىلۋى تۋرالى اقپارات بەردى. سەل قاۋپى تۋىنداعان كولدىڭ سۋى 77 مىڭ تەكشە مەتردەن 26 مىڭ تەكشە مەترگە دەيىن ازايتىلدى.

«2015 جىلى بۇل پلوتينادان 30 مىڭ تەكشە مەتر سۋ وتكەن. بوگەتتىڭ جوبالىق قۋاتى 1,2 ملن تەكشە مەتر. بۇل جەرگە 600 مىڭ تەكشە مەتر سۋ جەتەدى. اپاتتىق جاعدايدا سەكۋندىنا 10 تەكشە مەتر سۋ جىبەرىلەدى. وزەننىڭ ارناسى 20 مىڭ تەكشە مەترگە ەسەپتەلىپ، بەتوندالعان»، - دەدى تجد وكىلدەرى.

بۇگىن الماتىدا ناۋرىزباي اۋدانىندا از مولشەردە سەل ءجۇردى.

سوڭعى جاڭالىقتار