13 تامىز, 18:37 186 0 Túrkistan Gazeti

LRT قۇرىلىسىنا حالىق بانك كومەكتەسەدى

نۇر-سۇلتان قالاسىنىڭ اكىمى التاي كولگىنوۆ ەلورداداعى جەڭىل رەلستى (LRT) كولىكتىڭ قۇرىلىسىنا قاتىستى وزەكتى سۇراقتارعا جاۋاپ بەردى. بۇل تۋرالى قازاقپارات ءتىلشىسى حابارلادى.

«LRT بويىنشا: بارلىق ءنورماتيۆتى-قۇقىقتىق قۇجاتتار ۇكىمەتتىك جانە جەرگىلىكتى اتقارۋشى ورگاندار دەڭگەيىندە قابىلداندى. قازىرگى ۋاقىتتا ەكىنشى دەڭگەيلى بانكتەر ءتيىستى جۇمىستاردى جۇرگىزىپ جاتىر»، - دەدى قالا باسشىسى ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.

ول ءوز سوزىندە قىتايلىق ينۆەستيتسيادان باس تارتۋ تۋرالى شەشىم قابىلدانعانىن ەسكە سالدى.

«بۇدان بۇرىن ايتقانىمىزداي، ءبىز قىتايلىق قارىزدان باس تارتىپ، 800 ملن اقش دوللارىن ۇنەمدەپ قالدىق. ءبىز «حالىق بانكپەن» 3 پايىزدىق قارىزبەن 500 ملن (اقش دوللارى), سونداي-اق، 100 ملن (اقش دوللارى) بويىنشا «بايتەرەك» حولدينگىمەن كەلىستىك. بۇل قاراجات جۇمىستى باستاپ كەتۋگە جەتكىلىكتى»، - دەدى ول.

سوڭعى جاڭالىقتار