13 تامىز, 17:58 241 0 ايماق Túrkistan Gazeti

وزبەكستاندا قىزىلوردا وبلىسىنىڭ ونەر كۇندەرى وتكىزىلەدى

قىزىلوردا وبلىسى مادەنيەت سالاسىنىڭ وكىلدەرى وزبەكستان رەسپۋبليكاسىنا اتتانىپ كەتتى. مادەنيەت مايتالماندارى كورشىلەس ەلدە قىزىلوردا وبلىسىنىڭ ونەر كۇندەرىن وتكىزەدى، دەپ حابارلايدى قازاقپارات ءتىلشىسى.

اتالمىش شارا تۇڭعىش پرەزيدەنت - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى بويىنشا قازاقستاننىڭ وزبەكستانداعى جىلى اياسىندا ۇيىمداستىرىلىپ وتىر. وسىنىڭ ناتيجەسىندە ەكى ەل اراسىنداعى دوستىق قارىم-قاتىناس پەن مادەني ىنتىماقتاستىقتى دامىتۋعا ءمان بەرىلەدى.

سونداي-اق، قىزىلوردا وبلىسى ونەرى مەن سىر سۇلەيلەرىنىڭ شىعارماشىلىعىن ناسيحاتتاۋعا نازار اۋدارىلادى. ونەر كۇندەرى اياسىندا تاشكەنتتە ن.بەكەجانوۆ اتىنداعى قازاق مۋزىكالىق دراما تەاترى راقىمجان وتارباەۆتىڭ «ناركوم جۇرگەنوۆ» سپەكتاكلىن جەرگىلىكتى جۇرتشىلىق نازارىنا ۇسىنادى. مادەني شارا بارىسىندا قىزىلوردالىق سۋرەتشىلەردىڭ كورمەسى، ناۋاي قالاسىندا قىزىلوردا وبلىسى ونەر شەبەرلەرىنىڭ كونتسەرتى ۇيىمداستىرىلادى.

سونىمەن قاتار، وزبەكستاننىڭ قازاقتار كوبىرەك مەكەندەگەن تامدى، ۇشقۇدىق، كونيمەح اۋداندارىندا وبلىستىق فيلارمونيانىڭ ءداستۇرلى ورىنداۋشىلارىنىڭ ەكسپەديتسيالىق كونتسەرتى وتكىزىلەدى جوسپارلانىپ وتىر. قىزىلوردا وبلىسىنىڭ وزبەكستانداعى ونەر كۇندەرى 13-19 تامىز كۇندەرى وتكىزىلەدى.

سوڭعى جاڭالىقتار