13 تامىز 2019, 17:25 492 0 كولىك Túrkistan Gazeti

الماتى وبلىسىندا جول اپاتىنان 3 ادام جاراقات الىپ، 5 ادام مەرت بولدى

الماتى وبلىسىندا جەڭىل كولىك جۇك كولىگىمەن سوقتىعىسىپ، 4 ادام مەرت بولدى. بۇل تۋرالى الماتى وبلىستىق پوليتسيا دەپارتامەنتى ءوزىنىڭ Facebook-تەگى پاراقشاسىندا جاريالادى. بۇل تۋرالى قازاقپارات حاا حابارلادى.

پوليتسيا دەپارتامەنتى تاراتقان اقپاراتقا قاراعاندا، الماتى وبلىسىندا بۇگىن، 13 تامىز كۇنى ساعات 08-00-دەر شاماسىندا 29 جاستاعى ايەل ادام باسقارىپ كەلە جاتقان مازدا-626 ماركىلى جەڭىل كولىك «الماتى-بىشكەك» تراسساسىنىڭ 84-ءشى كيلومەترىندە «Shacman» ماركىلى جۇك كولىگىمەن سوقتىعىسقان. وسىنىڭ سالدارىنان جەڭىل كولىكتىڭ جۇرگىزۋشىسى مەن ونىڭ 4 جولاۋشىسى جول اپاتىنان العان جاراقاتتارىنىڭ سالدارىنان وقيعا ورنىندا كوز جۇمدى. سونداي-اق ءتۇرلى دەنە جاراقاتتارىن العان 3 ادام جامبىل اۋدانىنىڭ اۋرۋحاناسىنا جەتكىزىلدى. «جول اپاتىنىڭ ءمان-جايى ارنايى تەرگەۋ جۇمىستارىنان سوڭ انىقتالادى، ول ءۇشىن ارنايى ساراپتامالار دا تاعايىندالدى»،-دەپ حابارلامادى ۆەدومستۆو وكىلدەرى. پوليتسيا قىزمەتكەرلەرى جۇرگىزۋشىلەردى جول ەرەجەلەرىن قاتاڭ قاداعالاۋعا شاقىرىپ وتىر. بۇل ءوز كەزەگىندە جول-كولىك وقيعالارى مەن ونىمەن بايلانىستى ءتۇرلى قايعىلى جاعدايلاردىڭ الدىن الۋعا ىقپال ەتەدى. ويتكەنى قازىر كولىك اپاتتارىنىڭ باستى سەبەپتەرىنىڭ ءبىرى جىلدامدىقتى شەكتەن تىس اسىرۋ مەن قارسى جولاققا شىعىپ كەتۋ جاعدايلارى بولىپ وتىر.

سوڭعى جاڭالىقتار