12 تامىز 2019, 11:46 511 0 الەۋمەت Túrkistan Gazeti

قازاقستاندا جۇمىسسىزدىق دەڭگەيى 4,8% بولدى

2019 جىلعى شىلدەدە قازاقستاندا جۇمىسسىز جۇرگەن 440,9 مىڭ ادام تىركەلگەن، بۇل جۇمىس كۇشى سانىنىڭ 4,8%-ىن قۇرايدى (ماۋسىمدا 4,8%). مۇنداي دەرەكتى قر ۇەم ستاتيستيكا كوميتەتى جاريا ەتتى، دەپ حابارلايدى قازاقپارات.

رەسمي دەرەك بويىنشا، وسى جىلدىڭ شىلدە ايىنىڭ سوڭىندا قر جۇمىسپەن قامتۋ ورگاندارىندا جۇمىسسىز رەتىندە 172,7 مىڭ ادام نەمەسە ەلدىڭ ەكونوميكالىق بەلسەندى حالىق سانىنان 1,9%-ى رەسمي تۇردە تىركەلگەن.

جاسىرىن جۇمىسسىزدىق دەڭگەيى 2019 جىلدىڭ ءساۋىر-ماۋسىمىندا جۇمىس كۇشى سانىنىڭ 0,3 پايىزىنا (30,4 مىڭ ادام) تەڭ بولدى.

وسى جىلدىڭ شىلدەسىندە رەسپۋبليكانىڭ ەكونوميكاسىندا 8,8 ملن ادام جۇمىسپەن قامتىلعان.

ەڭبەككە تارتىلعان حالىقتىڭ اراسىندا 6,7 ملن ادام (جۇمىسپەن قامتىلعانداردىڭ جالپى سانىنان 76,1 پايىزى) جالدامالى ەڭبەك ەتەدى.

اۆتورى اسحات احمەتبەكوۆ

تەگتەر جۇمىسسىزدىق

سوڭعى جاڭالىقتار