9 تامىز 2019, 15:53 555 0 قوعام دينارا مىڭجاسارقىزى

جۋرناليستەر اللەياسى پايدا بولدى

«ATAKENT» ساياباعى ايماعىندا «جۋرناليستەر اللەياسىنىڭ» سالتاناتتى اشىلۋى ءوتتى.

بۇل اللەياعا باق وكىلدەرى ءوز قولدارىمەن الما اعاشتارىن وتىرعىزدى. ءار ەگىلگەن اعاشتىڭ ءنومىرى تىركەلىپ، وعان ەسىم بەرىلدى. اعاش ەككەن ادامعا ارنايى سەرتيفيكات تابىستالدى. تابيعاتتى ايالاۋ ماقساتىنداعى شارانى «اتاكەنت دوستار كلۋبى» ۇيىمداستىرعان. «ءاربىر اعاشتىڭ ءوزىنىڭ ءبىر يەسى بولادى. ونى تەك قانا بۇگىن عانا ەمەس، ەندى بولاشاقتا دا ءوزى سۋارىپ، ءوزى باعالاپ، ءوزى ءوسىرىپ، ودان كەيىن پىسكەن المانى جيناۋعا كەلەدى. بۇل ءبىرىنشى شارا ەمەس، ءالى كوپتەگەن جوسپار بار»، - دەدى «اتاكەنت دوستار كلۋبى» قوعامدىق بىرلەستىگىنىڭ جەتەكشىسى باۋىرجان باياكەشوۆ.

جالپى، ساياباقتا 9600 تۇپتەن استام اعاش بار. ال بۇگىن جۋرناليستەر 67 ءتۇپ الما اعاشىن وتىرعىزدى. سونداي-اق، ۇيىمداستىرۋشىلار قالامىزدا سەرۋەندەيتىن ساياباقتاردىڭ ازدىعىن ايتىپ، تەك جەمىس-جيدەك اعاشتارىن وتىرعىزىپ قانا قويماي، بولاشاقتا وتىراتىن ورىندىقتار مەن شامدار قوياتىندارىن ايتتى. ءتىپتى وعان قاراجات بولىنگەنىن دە اتاپ كەتتى. ايتا كەتەيىك، اتالعان اللەيا باق وكىلدەرىنە ارنالعان الماتىداعى ءبىرىنشى جاسىل ايماق بولىپ تابىلادى. بۇعان دەيىن اتاكەنت ساياباعىندا 9 مىڭ اعاش بۇتالادى دەگەن قاۋەسەت تاراعان بولاتىن. بۇل اقپارات كوپشىلىكتىڭ نارازىلىعىن تۋدىردى. «EcoAlmaty» جشس جەتەكشىسى جاننا اسانوۆا بۇل اقپاراتتى جوققا شىعاردى.

سوڭعى جاڭالىقتار