9 تامىز 2019, 15:46 693 0 ىشكى ساياسات دينارا مىڭجاسارقىزى

ەلباسى «سامۇرىق-قازىنا» اق باسقارما توراعاسىن قابىلدادى

قر تۇڭعىش پرەزيدەنتى ن.نازارباەۆ «سامۇرىق-قازىنا» اق باسقارما توراعاسى احمەتجان ەسىموۆتى قابىلدادى.

كەزدەسۋ بارىسىندا ن.نازارباەۆ «سامۇرىق-قازىنا» اق قارجىلىق كورسەتكىشتەرى تۋرالى اقپاراتقا قانىعا كەلە، كەيبىر ماسەلەلەر جونىندە تالقىعا سالدى.

ا.ەسىموۆ ۇسىنعان ەسەپكە سايكەس، العاشقى جارتى جىلدىقتا تازا تابىس 749 ملرد تەڭگەنى قۇراعان، بۇل وتكەن جىلمەن سالىستىرعاندا 50 پايىزعا ارتىق.

اينالىم بويىنشا وپەراتسيالىق تابىس پەن كىرىس 492 ملرد تەڭگە جانە 3,3 ترلن تەڭگەگە جەتكەن. بىلتىرعى جىلمەن سالىستىرعاندا 36 جانە 12 پايىزعا كوپ.

قوردىڭ قارجىلىق الەۋەتىنە كوڭىلى تولعان ەلباسى الەۋمەتتىك جوبالارعا بەلسەندى تۇردە ات سالىسۋ كەرەكتىگىن ەسكە سالدى. اسىرەسە، «قامقورلىق» جوباسى اياسىندا مۇمكىندىگى شەكتەۋلى بالالاردى قولداۋ ماسەلەسىنە كوڭىل ءبولۋدى تاپسىردى.

«مەملەكەت، اكىمدىك، ۇكىمەتتىك ەمەس ۇيىمدار جانە بيزنەس قاۋىمداستىقتار بۇل ىسكە ءمان بەرىپ، بالالاردى قولداۋعا كىرىسىپ كەتتى. الايدا، قازىر وڭالتۋ ورتالىقتارىنىڭ جۇمىسى كوپتىڭ كوڭىلىنەن شىقپاي وتىر. سوندىقتان وسى باعىتتاعى جۇمىستاردى جۇرگىزۋدى تاپسىرامىن»، –  دەدى ەلباسى.

«سەبەبى، بىزگە ايماقتاردا كوپپروفيلدى وڭالتۋ ورتالىعىن سالۋ كەرەك. سونداي-اق، مەكتەپتەردە قوسىمشا كابينەتتەر اشۋ ماڭىزدى. «سامۇرىق-قازىنا» وسىنداي قايىرىمدىلىق جوبانى قولداۋعا ءاردايىم دايىن. بۇل ىسكە دە جاۋاپتىلىقپەن قاراۋى ءتيىس» دەپ قورىتىندىلادى ەلباسى ءوز پىكىرىن.

بۇدان وزگە ەلباسى قور باسشىسىنا ءبىلىم جوبالارىن جۇزەگە اسىرىپ، الەۋمەتتىك جاعىنان از قامتىلعان وتباسىدان شىققان تالانتتى بالالاردى قولداۋدى مىندەتتەدى. سونداي-اق، مەديتسينا سالاسىنداعى جوبالاردى قارجىلاندىرىپ، ماتەريالدىق بازانى جاقسارتىپ، بىلىكتى كادرلارعا مۇمكىندىك جاساۋدى تاپسىردى.

سوڭعى جاڭالىقتار