8 تامىز, 16:22 361 0 بيزنەس دينارا مىڭجاسارقىزى

ايىرباستاۋ وپەراتسيالارىن ۇيىمداستىرۋ «اتامەكەن» الانىندا قارالماق

قازاقستاندا قولما-قول شەتەلدىك ۆاليۋتامەن جۇرگىزىلەتىن ايىرباستاۋ وپەراتسيالاردى ۇيىمداستىرۋ ماسەلەسى «اتامەكەن» الانىندا قارالماق. 
ەندى ايىرباستاۋ پىنكتەرىندە كەز كەلگەن سومانى ايىرباستاۋ كەزىندە كليەنتتەر جەكە كۋالىك دەرەكتەرى، جسن جانە تۇرعىلىقتى جەر تۋرالى دەرەكتەردى بەرۋلەرى شارت (بۇگىندە اتالعان تالاپ 500 مىڭ تەڭگەدەن استام مامىلەلەر ءۇشىن قولدانىلادى). ايىرباستاۋ پۋنكتەرىنىڭ جۇمىس ىستەۋ ۋاقىتى 10:00-دەن 19:00-گە دەيىن وزگەرىلمەك. 
 جوعارىدا اتالعان وزگەرىستەر شاعىن جانە ورتا بيزنەستىڭ كوپتەگەن سۋبەكتىلەرىنىڭ مۇددەللەرىنە اسەر ەتەتىندىكتەن «اتامەكەن» وسى وزگەرىستەرگە قاتىستى پىكىرلەر، ەسكەرتۋلەر مەن ۇسىنىستاردى اشىق جيناۋ جۇرگىزىلەتىنى تۋرالى حابارلايدى.
6 تامىزدا «اتامەكەن» قر ۇلتتىق كاسىپكەرلەر پالاتاسىنا «قازاقستان رەسپۋبليكاسىندا قولما-قول شەتەل ۆاليۋتاسىمەن ايىرباستاۋ وپەراتسيالارىن ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2019 جىلعى 4 ساۋىردەگى № 49 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قر ۇلتتىق بانكى باسقارماسى قاۋلىسىنىڭ جوباسى (ارى قاراي – جوبا) كەلىپ ءتۇستى.

جوبا كەلەسى تۇزەتۋلەردى كوزدەيدى:

  1. ۋاكىلەتتى ۇيىمدارعا (ايىرباستاۋ پۋنكتەرى) جارعىلىق كاپيتالدى   100 000 000 تەڭگەگە دەيىن ۇلعايتۋى كەرەك. قولدانىستاعى رەداكتسياعا سايكەس رەسپۋبليكالىق ماڭىزى بار قالالارداعى ايىرباستاۋ پۋنكتەرى ءۇشىن 30 ملن تەڭگە، قالالىق ايىرباس پىنكتەرى ءۇشىن – 20 ملن تەڭگە جانە وڭىرلىك ايىرباستاۋ پۋنكتەرى ءۇشىن 10 ملن تەڭگەگە دەيىن ۇلعايتۋ مىندەتتەلەدى.
  2. ايىرباستاۋ پۋنكتەرى وزدەرىنىڭ بانك شوتتارىندا تەڭگەدە نەمەسە شەتەلدىك ۆاليۋتادا جارعىلىق كاپيتال (قوسىمشا قور) سوماسىنان 20% مولشەردە اقشانىڭ بولۋىن قامتاماسىز ەتۋى كەرەك.
  3. كەز كەلگەن سومانى ايىرباستاۋ كەزىندە كليەنتتەر جەكە كۋالىك دەرەكتەرى، جسن جانە تۇرعىلىقتى جەر تۋرالى دەرەكتەردى بەرۋلەرى شارت (بۇگىندە اتالعان تالاپ 500 مىڭ تەڭگەدەن استام مامىلەلەر ءۇشىن قولدانىلادى).
  4. ايىرباستاۋ پۋنكتەرىنىڭ جۇمىس ىستەۋ ۋاقىتى 10:00-دەن 19:00-گە دەيىن وزگەرۋى. قازىرگى تاڭدا ايىرباستاۋ پۋنكتىنىڭ جۇمىس ىستەۋ ۋاقىتىن يەسى ءوزى بەلگىلەيدى.

جوعارىدا اتالعان وزگەرىستەر شاعىن جانە ورتا بيزنەستىڭ كوپتەگەن سۋبەكتىلەرىنىڭ مۇددەللەرىنە اسەر ەتەتىندىكتەن «اتامەكەن» وسى وزگەرىستەرگە قاتىستى پىكىرلەر، ەسكەرتۋلەر مەن ۇسىنىستاردى اشىق جيناۋ جۇرگىزىلەتىنى تۋرالى حابارلايدى.

بىرىڭعاي پوزيتسيانى شىعارۋ ءۇشىن جوبا مازمۇنىمەن تانىسۋدى ۇسىنامىز. جوباعا قاتىستى ەسكەرتپەلەر مەن ۇسىنىستاردى 12 تامىزعا دەيىن مىنا ەلەكتروندى پوشتاعا جىبەرۋدى سۇرايمىز: a.tazhibaeva@atameken.kz, انىقتاما تەلەفونى: 8 (7172) 919-358.

سوڭعى جاڭالىقتار