7 تامىز, 23:24 628 0 بىلگەنگە مارجان "تۇركىستان" گازەتىنىڭ اۆتورلارى

كۇشىكباي تۋرالى اڭىز

شىعىس قازاقستان وبلىسى،  اباي اۋىلىنا قاراستى ەلدى مەكەندە  قازاقتىڭ نار تۇلعالى باتىرى كۇشىكباي اتامىزدىڭ اسۋى ورنالاسقان. بۇل اسۋدان قىس كەزىندە ءوتۋ قيىن. سەمەيدەگى اشىق، جەلسىز كۇن اسۋعا تايانعاننان-اق بورانداتىپ، قارلاتىپ تۇرادى. بۇل كەزدى جەرگىلىكتى حالىق "كۇشىكباي باتىر اشۋلانىپ جاتىر" دەسەدى.

حالىق اۋىز ادەبيەتىنە سۇيەنسەك، ەرتەرەكتە وسى ماڭدى مەكەندەگەن كۇشىكباي اتتى ۋاقتىڭ باتىرى  بولىپتى. كۇشىكباي اتامىز ەرجۇرەك، قايراتتى دا قاhارلى بولعان ەكەن. اينالاداعى جاۋ باتىردان  قورقىپ، جولاي الماپتى. كۇندەردىڭ ءبىر كۇنىندە كۇشىكباي سىرقاتتانىپ، توسەك تارتىپ جاتىپ قالادى. وسىنى پايدالانعان جاۋ باتىردىڭ  جان سەرىگى تۇلپارىن ايداپ الىپ كەتەدى. جاۋدىڭ بۇل ارەكەتىن ەستىگەن باتىر اۋرۋدان تۇرا سالا ، ىشتەي ىزا-كەگى قايناپ، جالاڭاش دەنەسىنە ساۋىتىن  كيىپ،اتقا قونادى. كۇشىكبايدىڭ اتىن ۇرلاعان ءوز رۋىنىڭ ادامى بولعان دەسەدى.  سويتىپ، جاۋىن بىرنەشە قىردان اسىرىپ قۋىپ،  قايتىپ كەلە جاتقاندا، اۋرۋى اسقىنىپ ، ءبىر توبەگە كەلىپ،قىلىشىن جەرگە قاداپ،جان تاپسىرعان دەسەدى. سول توبەشەكتى قازىر "كۇشىكباي اسۋى" دەپ اتايدى. بۇل ماڭدا كوپتەگەن اۋرۋلارعا ەم بولعان قاسيەتتى،مۇزداي سۋىق، بالداي ءتاتتى بۇلاق ورنالاسقان.

   البينا تۋماروۆا،  سەمەي قالاسى،شاكارىم اتىنداعى مەملەكەتتىك ۋنيۆەرسيتەتىنىڭ جۋرناليستيكا ماماندىعىنىڭ 3 كۋرس ستۋدەنتى 

سوڭعى جاڭالىقتار