7 تامىز, 23:17 357 0 قوعام دينارا مىڭجاسارقىزى

Jinalikە جوباسى – الەمگە جول اشادى

شەتەلگە ساپار شەگەتىن كەز كەلگەن ادام اۋەلى تۇراقتايتىن ورىن ىزدەيدى. مۇندايدا بۇكىل الەم جۇرتى booking.com-نىڭ كومەگىنە جۇگىنەدى. ەندى بۇل جەلىنىڭ قازاقستاندىق بالاماسى بار. Jinalike.com جوباسىن ۇسىنعان «FlowSystem» جشس عىلىم قورى ۇيىمداستىرعان بايقاۋدا 300 ميلليون تەڭگە كولەمىندە گرانت جەڭىپ الىپ، ءتۇرلى ىسكەرلىك ءىس-شارالار وتكىزەتىن زالداردى، سونداي-اق، كوۆوركينگتەر مەن حوستەلدەردى ىزدەۋ جانە برونداۋ ءۇشىن ارنالعان تەڭدەسى جوق پلاتفورمانىڭ تۇساۋىن كەستى.

«عىلىم قورى» اق باسقارۋشى ديرەكتورى ءلاززات مولداباەۆا عىلىمدى كوممەرتسيالاندىرۋ باعىتىندا قور تاراپىنان ۇلكەن قولداۋ كورسەتىلىپ، سوڭعى ءۇش جىلدا تىڭ جوبالاردىڭ جۇزەگە اسقاندىعىن جەتكىزدى. بۇگىندە «FlowSystem» جشس بۇل قارجىعا ارنايى ماركەتينگتىك زەرتتەۋلەر جۇرگىزىپ، جوباعا قاجەتتى جابدىقتار ساتىپ العان. قازىرگى تاڭدا 100-دەن استام جوبالار بەلسەندى جۇزەگە اسىرىلعان بولسا، اعىمداعى جىلدىڭ وسى مەرزىمىنە دەيىن 6 جوبا ازىرلەنگەن. 37 جوبا تاۋار ءوندىرۋ، قىزمەت كورسەتۋ ماقساتىندا جۇمىس ىستەي باستاعان.  بۇل جوبالاردان تۇسكەن تابىس كولەمى 1 ميلليارد تەڭگەگە جۋىقتايدى.  ال IT تەحنولوگيالار بويىنشا العاشقى «Jinalikە» (جينالايىق)  جوباسى ىزدەستىرۋ جۇمىستارىن جەدەل اتقاراتىندىقتان، ۋاقىت ۇنەمدەۋ، قىزمەت ساپاسىن ارتتىرا تۇسۋگە مۇمكىندىك بەرەدى.

جوبانىڭ ماقساتىن تانىستىرعان «Flow System» جشس ديرەكتورى دانيار يليەۆ: «Q-conference كوپتەگەن ىسكەرلىك شارالارعا ارنالعان زالدار، كوۆوركينگتەر مەن حوستەلدەردى ىزدەۋ جانە برونداۋعا ارنالعان پلاتفورما رەتىندە تانىلعان الاڭ. «عىلىم قورىنان» جەڭىپ العان 300 ميلليون تەڭگە كولەمىندەگى گرانتقا ماركەتينگتىك باعىتتاعى، سونداي-اق جاڭا جوبانىڭ دامۋ باعىتىنداعى ءىس-شارالار جۇزەگە استى. سايتتىڭ فۋنكتسيونالدىلىعى تەكسەرىلىپ، جوعارعى جۇكتەمەلىگى مەن تۇراقتىلىعى سىناقتان ءوتتى. سونداي-اق، سايتتى ىزدەۋدىڭ وڭتايلىلىعى ەسكەرىلىپ، ناتيجەسىندە جۇكتەۋ جىلدامدىعى 25 پايىزعا ارتتى. IT ماماندار ەكى جىل ىشىندە دايىندىق جۇمىستارىن جاساپ، 5 ايدىڭ ىشىندە جوبا 65 ملن تەڭگە تابىسقا قول جەتكىزدى. قازىرگى كەزدە جالعا بەرۋشىلەرمەن كەلىسىم-شارت جاساۋ جۇمىستارى قارقىندى جۇرگىزىلۋدە.  جاقىن ارادا جوبا ءونىم بويىنشا پايداسىن بەرەدى دەگەن سەنىم مول»، – دەيدى.

الەمنىڭ 227 ەلىندە ەمىن-ەركىن قىزمەت كورسەتەتىن ءتيىمدى جوبانى ومىرگە اكەلگەن «Flow System» جشس 2017 جىلى قۇرىلعان. مۇندا نەگىزىنەن 20-25 جاس شاماسىنداعى IT سالاسىنداعى جاس ماماندار جۇمىس ىستەيدى. بۇگىندە جوبانىڭ تۇركيا، قىتاي، رەسەي جانە بىرقاتار ەۋروپالىق ەلدەردە سەرىكستەستىكتەرى بار. ولارعا ءتيىستى ايماقتارعا باعىتتالعان ايرىقشا قۇقىق بەرىلگەن. جوبا ۇيىمداستىرۋشىلارى   برەندتى قازاقشا «Jinalikە» قاراپايىم ءسوزى ارقىلى توپتاپ، سيپاتى مەن ماقساتىن ءبىر ءسوز اياسىنا سىيدىرىپ، تۇسىنۋگە ىڭعايلى ەتىپ جاساۋعا تىرىسقانىن ايتادى.

سوڭعى جاڭالىقتار