7 تامىز, 19:35 335 0 ىشكى ساياسات دينارا مىڭجاسارقىزى

"ديپلوممەن اۋىلعا": 10 جىلدا 60 مىڭ ادام جاردەماقى العان

ديپلوممەن اۋىلعا": 10 جىلدا 60 مىڭ ادام كوتەرمە جاردەماقى العان. قر ۇلتتىق ەكونوميكا ۆيتسە-ءمينيسترى ەرمەك الپىسوۆ ۇكىمەت ۇيىندە وتكەن ءباسپاسوز ءماسليحاتى بارىسىندا"بىلىكتى مامانداردى اۋىلعا تارتۋ بويىنشا ەلباسىنىڭ ارنايى ون جىل بۇرىن بەرگەن تاپسىرماسىنا سايكەس "ديپلوممەن اۋىلعا" جوباسى ىسكە اسىرىلىپ جاتىر. وسى جوبانىڭ نەگىزگى ماقساتى - الەۋمەتتىك قولداۋ كورسەتۋ ارقىلى اۋىلدىق جەرلەردە الەۋمەتتىك سالا جانە اگروونەركاسىپتىك كەشەن ماماندارىن ىنتالاندىرۋ مەن بەكىتۋ. قاتىسۋشىلار - دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ، مادەنيەت، سپورت جانە اگروونەركاسىپتىك كەشەن سالاسىندا جۇمىس ىستەيتىن ديپلومى بار ماماندار", - دەدى 

ۆيتسە-ءمينيستردىڭ ايتۋىنشا، كوتەرمە جاردەماقى كولەمى 100 ايلىق ەسەپتىك كورسەتكىشتى قۇرايدى. بيىلعى جىلى - 252 مىڭ 500 تەڭگە. ون جىلدىڭ ىشىندە كوتەرمە جاردەماقىسىن 60 مىڭنان استام ادام العان. سونىمەن قوسا، اۋىلعا كەلگەن ماماندارعا باسپانا الۋعا جەڭىلدەتىلگەن نەسيە بەرىلىپ كەلەدى.

بۇعان دەيىن ەرمەك الپىسوۆ اۋىلداردا قانشا ادام تۇراتىنىن ايتقان ەدى.

سوڭعى جاڭالىقتار