6 تامىز, 15:57 562 0 جاھان دينارا مىڭجاسارقىزى

توقاەۆ لاڭكەستىك اكتىلەرگە بايلانىستى مىسىر پرەزيدەنتىنە كوڭىل ايتتى

مەملەكەت باسشىسى قاسىم-جومارت توقاەۆ مىسىر اراب رەسپۋبليكاسىنىڭ پرەزيدەنتى ابدەل فاتتاح اس-سيسيگە كوڭىل ايتۋ جەدەلحاتىن جولدادى. بۇل تۋرالى اقوردادان ءمالىم ەتتى، دەپ حابارلايدى قازاقپارات.

مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان مىسىر استاناسى كاير قالاسىندا بولعان لاڭكەستىك ارەكەتتەردىڭ سالدارىنان قازا تاپقانداردىڭ وتباسىلارى مەن جاقىندارىنا كوڭىل ايتىپ، زارداپ شەككەندەردىڭ تەز ساۋىعىپ كەتۋىنە تىلەكتەستىك ءبىلدىردى. «قازاقستان مىسىرمەن بىرلەسىپ، ەلدەرىمىزدىڭ بەيبىت ءومىرىن قامتاماسىز ەتۋ ماقساتىندا قازىرگى زامان قاۋىپ-قاتەرلەرىنە قارسى كۇرەستە ىنتىماقتاستىقتى جالعاستىرۋعا ارقاشان دايىن ەكەنىن اتاپ وتەمىن»، - دەپ جازدى قاسىم-جومارت توقاەۆ.

 

سوڭعى جاڭالىقتار