5 تامىز 2019, 15:48 712 0 جاھان دينارا مىڭجاسارقىزى

يراندا 15 جاسقا تولماعان مىڭنان استام قىز نەكەگە تۇرعان

وتكەن جىلى يرانداعى پروۆينتسيالاردىڭ بىرىندە عانا 15 جاسقا تولماعان 40-تان استام جاس قىز انا اتانعان.

حامادان پروۆينتسياسىنداعى ازاماتتىق احۋالدى تىركەۋ مەكەمەسىنىڭ باسشىسى اسادي حاسانزودانىڭ حابارلاۋىنشا، ايماقتا بالا تۋعان انالاردىڭ شامامەن 2 پايىزى - 15 جاسقا تولماعان قىزدار. يران 1992 جىلى ادام قۇقىقتارى جونىندەگى حالىقارالىق كونۆەنتسياعا قوسىلدى. قۇجاتتا 18 جاسقا دەيىنگىلەردىڭ بارلىعى بالالار دەپ ەسەپتەلەدى.

يران زاڭدارى بويىنشا، 15 جاسقا تولعان بوزبالا نەكەگە تۇرا الادى، ال 13 جاسقا تولعان قىزعا تۇرمىسقا شىعۋعا رۇقسات ەتىلەدى.

وتكەن جىلى حامادان پروۆينتسياسىندا 15 جاسقا تولماعان قىزداردىڭ قاتىسۋىمەن 1500 نەكە تىركەلگەن، سولاردىڭ 60-ى اجىراپ كەتكەن. زاندجون پروۆينتسياسىندا 14 جاسقا تولماعان 1400 قىز نەكەلەسكەن، ال سولتۇستىك حوراساندا 14 جاسقا تولماعان 1054 قىز تۇرمىسقا شىققان.

سوڭعى جاڭالىقتار