3 تامىز, 11:48 364 0 جاڭالىقتار "تۇركىستان" گازەتىنىڭ اۆتورلارى

حالىق ءۇشىن جاسالعان يگى قادام

تۇڭعىش پرەزيدەنت ن.نازارباەۆتىڭ «بولا­شاق­قا باعدار: رۋحاني جاڭ­عى­رۋ» باعدارلامالىق ماقالا­سىن­داعى ماڭىزدى شەشىم­نىڭ ءبىرى لاتىن گرافيكاسىنا كوشۋ جايىندا  بولدى.  بولاشاقتا لاتىن ءالىپبي­ىن­دە جازاتىنىمىز انىق. رۋحاني  جاڭعىرۋ جوباسى وڭاي بىتە سالاتىن دۇنيە ەمەس. حالقىمىزدىڭ قا­زا­قى رۋحىن قايتا جاڭ­عىرتۋ ءۇشىن ءبىر ۇرپاق­تىڭ ءبىراز ۋاقىتى كەتەرى حاق.

ەگەر بۇل ماسەلە ءتىل توڭىرىگەندە بولسا ابايلاۋ كەرەك. سەبەبى، حالىق قاي تىلدە ويلانسا سول تىلدە جازادى. ال قاي تىلدە جازسا، سول ەلگە قىزمەت ەتەدى دەگەن ءسوز. وسكەلەڭ ۇرپاقتىڭ ساناسىنا قازاق ءتىلىنىڭ ومىرشەڭدىگىن، تامىرىنىڭ تەرەڭ­دىگىن ءسىڭىرۋ كەرەك. ا.بايتۇرسىنوۆ پەن  ن.تورەقۇلوۆتىڭ ءىزىن جالعاپ، قازاق زيالى­لا­رىنىڭ لاتىن گرافيكاسىنا كوشۋدى قولعا العانى قۋانتادى. سەبەبى، نەشە جىلدان بەرى كەيىنگە شەگەرىلىپ كەلە جاتقان ماسەلەنى قاراستىرىپ، ۇلت بولاشاعىنىڭ وزگەرىسىنە وڭ قادام جاسادى. قازىرگى تاڭدا قازاق ءتىلىنىڭ وزگە شەت تىلدىك سوزدەرمەن ارالاسىپ كەتكەندىگى جاسىرىن ەمەس. قۇد­دى قازاق ءتىلى ەمەس، قازاقستاندىق ءتىل سىندى. وسى قاتەردەن لاتىن الىپبيىنە كوشۋ قۇتقارادى. سەبەبى، لاتىن گرافيكاسىنا نەگىزدەلە وتىرىپ، تەحنيكا تىلىندە دە، جالپى جۇرتقا دا تۇسىنىكتى بولاتىنداي ەتىپ قازاق ءتىلىنىڭ جاڭا ەملەسى جاسالادى. لاتىن گرافيكاسىنا كوشۋ – ساياسي جاع­دايمەن ەش قاتىسى جوق. بۇل ەلباسىنىڭ ۇلت بولاشاعى ءۇشىن جاسالعان ساۋاتتى ساياساتى.

ەكى جىل بۇرىن كۇدىكپەن قاراعان بۇل جاعداي قازىرگى تاڭدا شەشىمىن تاۋىپ جاتىر. اتاپ ايتساق، جاستار لاتىن گرافيكاسىنا كوشۋدى قوس قولمەن قولداپ وتىر. سەبەبى، جاستار كەز كەلگەن ەۆوليۋتسيالىق جاڭالىقتارعا وڭ كوزبەن قارايدى. ءۇش ءتىلدى ساياساتتى كورىپ وسكەن بالاعا البەتتە لاتىن تاڭسىق دۇنيە ەمەس.

ارينە، تاياقتىڭ ەكى ۇشى بولاتىنى سەكىلدى اتالعان ماسەلەنى دە مايشاممەن قاراۋ بارىسىندا ولقىلىقتارعا تاپ بولعا­نى­مىز راس. الاش زامانىندا ەكى جىلدىڭ ىشىندە 900 جىلدان كەيىنگى اراب گرافيكاسىنان لاتىنعا اۋىسىپ كەتۋ رەكورد دەپ ەسەپتەيمىن. ال ءبىزدىڭ ۋاقىتتا لاتىنعا كوشۋ 9 جىلدى تالاپ ەتىپ وتىر. بۇل ۋاقىتشا، شەشىمىن تابار دۇنيە دەپ سەنەمىز.

مەن ءوز كەزەگىمدە حالقىمنىڭ يگىلىگى ءۇشىن جاسالعان ءاربىر شەشىمدى قولدايمىن.

اقبوتا تۇرسىنبەكوۆا

تىلدەردى دامىتۋ باسقارماسى

 تىلدەردى وقىتۋ ورتالىعىنىڭ  وقىتۋشىسى

 

سوڭعى جاڭالىقتار