3 تامىز, 11:29 397 0 جاھان Turkystan Support

ترامپ سوزىندە تۇرا ما؟

اقش پرەزيدەنتى دونالد ترامپ 2020 جىلى وتەتىن پرەزيدەنتتىك سايلاۋعا دەيىن اۋعانستانداعى اقش اسكەري كۇشتەرىن ەلگە قاي­تارۋدى كوزدەپ وتىر.

ۆاشينگتوندا وتكەن كەزەكتى وتىرىستا اقش-تىڭ مەملەكەتتىك حاتشىسى مايك پومپەو ترامپتىڭ وسى ءبىر جوس­پا­رىمەن ءبولىستى. ال بۇل ماسەلەگە قاتىستى ساراپ­شى­لار­دىڭ پىكىرى سان الۋان. كەي ساراپشىلار قۇراما شتاتتاردىڭ بۇل شەشىمىنە قولداۋ بىلدىرسە، ەندى ءبىرى حالىقارالىق قولداۋسىز اۋعانستاندا لاڭكەستەردىڭ ىقپالى ارتىپ كەتۋى مۇمكىن ەكەنىن العا تارتۋدا. ازىرگە ناقتى قانشا اسكەردىڭ شىعارىلاتىنى بەلگىسىز. مايك پوم­پەو­نىڭ مالىمدەمەسىنە سۇيەنسەك، بارلىق امە­ري­كالىق اسكەر ەلىنە ورالۋى كەرەك. بۇگىندە اۋعانستان اۋماعىنداعى اسكەردىڭ سانى 14 مىڭدى قۇرايدى.

اق ءۇي باسشىسى دونالد ترامپ اۋعان­ستاندا 18 جىلعا سوزىلعان سوعىس اياقتالۋى كەرەكتىگىن ايتىپ، ونداعى اسكەر­لەرىن ەلىنە قايتارۋ تۋرالى شەشىم قابىلدادى. بۇل ۇدەرىس 2020 جىلدىڭ 3 قاراشاسى، ياعني پرە­زيدەنتتىك سايلاۋعا دەيىن اياقتالۋى ءتيىس. ايتا كەتەيىك، دونالد ترامپ 2016 جىلى سايلاۋالدى ناۋقانىندا امەري­كا­لىق اسكەرلەردى اۋعانستاننان شىعارامىن دەپ ۋادە بەرگەن ەدى. الايدا ول پرەزيدەنتتىك لاۋازىمعا تاعايىندالعان سوڭ كەرىسىنشە، اۋعانستانداعى اسكەرلەرىن كۇشەيتە ءتۇستى.

«ماعان امەريكا قۇراما شتاتتارىنىڭ پرەزيدەنتىنەن تىكەلەي تاپسىرما كەلىپ ءتۇستى. ول وڭىردەگى ۇزاققا سوزىلعان سوعىس­قا نۇكتە قويۋ كەرەكتىگىن ايتتى. اۋعان­ستاننان اسكە­ري­لەردى شىعارۋ تاپسىرماسىن بەردى. جانە بۇل ۇدەرىستى تەك ءبىز عانا جاسايمىز. كوپتەگەن ەلدەر بۇل شەشىمدى قولداپ وتىر. ەۋروپا ەلدەرى دە. وڭىردەگى شەت ەلدىك اسكەريلەر سانى ازايادى دەپ ويلايمىز»، – دەدى اقش مەملەكەتتىك حاتشىسى مايك پومپەو.

اۋعانستانداعى اسكەري وپەراتسيانى اقش تاراپى 2001 جىلى باستاعان بولاتىن. 11 قىركۇيەكتەگى تەراكتىگە جاۋاپ رەتىندە وڭىرگە امەريكالىق اسكەرلەردى جىبەرە باستادى. پەنتاگوننىڭ «ەركىندىك» وپەراتسياسى 2014 جىلى اياقتالعانىمەن، لاڭكەستىك ىقپالدى باقىلاۋدا ۇستاۋ ءۇشىن امەريكالىق اسكەريلەر ەل اۋماعىنا بۇگىنگە دەيىن جىبە­رى­لىپ وتىردى. اۋعان­ستان­دىق دەپۋتات ەلدەن شەتەلدىك ءاس­كەرلەر كەتسە، «لاڭكەستىك ىقپالمەن ەلدىڭ قارۋلى كۇشتەرى كۇ­رەسە المايدى» دەگەندى ايتادى.

اۋعانستان اسكەرى بۇل حالىقارالىق قولداۋسىز «تالي­بان­دارعا» قارسى تۇرا الا­تىنى دا كۇماندى. اۋعانستاندا تۇراق­تى­لىق ورناتۋ ءۇشىن 2018 جىلدىڭ ماۋسىم ايىنان بەرى اقش تاراپى «تاليبان» راديكالدى توبىنىڭ وكىلدە­رىمەن تىكەلەي كەلىسسوزدەر جۇرگىزىپ كەلەدى. پومپەونىڭ ايتۋىنشا، تاراپتار ورتاق كەلىسىمگە كەلىپ وتىر. ياعني، شەتەلدىكتەر اسكەرلەرىن ەلدەن شىعارادى، تيىسىنشە «تاليبان» راديكالدى قوزعالىسى وڭىردە لاڭكەستىك توپتىڭ قاپتاپ كەتپەۋىنە ۋادە بەرەدى. دەگەنمەن، قانشا كەلىسسوزگە قاراماستان، وڭىردە سو­عىس ءالى دە جالعاسىپ جاتىر.

 

سوڭعى جاڭالىقتار