3 تامىز, 11:24 382 0 نۇر وتان Turkystan Support

Nur Otan: اپتالىق شولۋ

«اباي – قازاق رۋحانياتىنىڭ ايناسى»

ۇلى ابايدىڭ 175 جىلدىعىنا وراي اقىن شىعارمالارىنان ءۇزىندى وقۋ چەللەندجى جالپىحالىقتىق سيپات الدى.

«Nur Otan» پارتياسى توراعاسىنىڭ ءبىرىن­شى ورىنباسارى باۋىرجان بايبەك دانىشپان شىعارمالارىنان ءۇزىندى وقۋ ەستافەتاسىن جالعاستىردى. ول ەستافەتانى ءانشى ءمولدىر اۋەلبەكوۆادان قابىلداپ الىپ، كورنەكتى جازۋشى سماعۇل ەلۋبايعا، پارلامەنت ءماجى­لىسىندەگى «Nur Otan» فراكتسياسىنىڭ ءتورايىمى گۇلميرا يسيمباەۆاعا جانە «Jas Otan» جاستار قاناتىنىڭ بەلسەندىسى ايسۇلۋ ەرنيازوۆاعا جولدادى.

«اباي – قازاق رۋحانياتىنىڭ ايناسى، كەمەل دۇنيەتانىمىنىڭ كورىنىسى. اباي مۇراسى – اقىلدىڭ كەنى، سارقىلماس رۋحاني قازىنا. ۇلى ويشىلدىڭ قاي تۋىندىسىن الساڭىز دا، ساليقالى وي، سالماقتى تۇجىرىمعا تۇنىپ تۇر»، – دەدى باۋىرجان بايبەك.

ۇيلەر جارمەڭكەسى ءوتتى

قاراعاندىدا «7-20-25» باعدارلاماسى بويىنشا سالىنىپ جاتقان ۇيلەر جارمەڭكەسى ءوتتى. 13 قۇرىلىس كومپانياسى مەن «باسپانا»  يپوتەكالىق ۇيىمىنىڭ 8 سەرىكتەس بانكى تۇرعىندارعا يپوتەكالىق نەسيە  الۋ جولدارىن ءتۇسىندىردى.

«7-20-25» باعدارلاماسى بويىنشا سالىنىپ جاتقان ۇيلەر جارمەڭكەسى  باسپاناعا مۇقتاج جاندار ءۇشىن ۇيىمداستىرىلدى. جارمەڭكەدە 13 قۇرىلىس  كومپانياسى مەن 8 بانك وكىلدەرى تۇرعىندارعا يپوتەكالىق نەسيە الۋ  جولدارىن ءتۇسىن­دىردى. «باسپانا» يپوتەكالىق ۇيىمىنىڭ مالىمەتىنشە،  اتالعان باعدارلاما ارقىلى جاڭا پاتەرلەرگە 7 پايىزبەن 20 جىلعا، ال ەكىنشى  نارىقتاعى باسپاناعا 7,75 پايىزبەن 15 جىلعا نەسيە بەرىلەدى. ءتىپتى،  جالاقىسى تومەن ازاماتتاردىڭ ءوزى يپوتەكا راسىمدەي الادى.

سونداي قاراعاندىلىق تۇرعىنداردىڭ ءبىرى – جۇلدىزاي قارابەكوۆا. 3  جىلدان بەرى پاتەر ىزدەپ جۇرگەن جاس وتباسى باسپانا جالداپ تۇرادى. ۇيگە  جيناعان ازىن-اۋلاق اقشاسىمەن جارمەڭكەگە كەلگەن.

«تابىسىمىزدىڭ باسىم بولىگى ءۇي جالداۋعا كەتەتىندىكتەن، باسپاناعا ماردىمدى قارجى جيناۋ قيىن. سوندىقتان ءبىز ءوز جاعدايىمىزعا قاراي ەكى بولمەلى ءۇي قاراستىرىپ جاتىرمىز»، – دەيدى جۇلدىزاي قارابەكوۆا.

ال «Eurazia Building» جشس قاراعاندى كوپ پاتەرلى تۇرعىن ءۇي كەشەنىنىڭ ديرەكتورى دارحان سادۋاقاس مۇندا بارلىق الەۋمەتتىك توپتارعا ىڭعايلى پاتەرلەر سالىناتىنىنا سەندىردى. ونىڭ ايتۋىنشا، بيزنەس ساناتتاعى جانە قولجەتىمدى باعاداعى پاتەرلەر بار.

جاڭا پاتەرلەردى قۇرىلىس كومپانيالارىنان تىكەلەي الۋعا دا بولادى. ولار ۇيلەردى سالۋدى باستاسىمەن ساتى­لىمعا شىعارادى. ءبولىپ تولەۋ مۇمكىندىگى دە قاراستىرىلعان. ال مۇنداي قولجەتىمدى باسپانانىڭ ساپاسىن  «Nur Otan» پارتياسىنىڭ ارنايى كو­ميسسياسى قاداعالايدى. وسى ورايدا، «Nur  Otan» پارتياسى قاراعاندى وبلىستىق فيليالى توراعاسىنىڭ ورىنباسارى  قاديشا وسپانوۆا ارنايى كوميسسيا «7-20-25» باعدارلاماسىنىڭ ءجۇ­زەگە اسۋىن عانا ەمەس، ۇيلەردىڭ ساپا­سىن دا ءجىتى قاداعالايتىنىن جەتكىزدى.

«قۇرىلىسقا قانداي ماتەريالدار قولدانىلدى، قالاي سالىپ جاتىر، ينفراقۇرىلىمى بار ما دەگەن سياقتى تالاپتار بويىنشا تەكسەرىپ، قاجەت جاعدايدا وزگەرىستەر مەن ۇسىنىستارىمىزدى ايتامىز. ماسەلەن، ءبىز وسى سالىنعان ۇيلەردىڭ ءبىرىنشى قاباتىندا ەگدە جاستاعى ادامداردىڭ كوڭىل كوتەرۋ ورتالىعى مەن بالاباقشا ورنالاسسا دەگەن ۇسىنىس جاساپ وتىرمىز»، – دەيدى «Nur Otan» پارتياسى قاراعاندى وبلىستىق فيليالى توراعاسىنىڭ ورىنباسارى قاديشا وسپانوۆا.

بۇگىندە قاراعاندى قالاسىنىڭ بولاشاق ورتالىعى وڭتۇستىك شىعىستا تۇرعىن ءۇي قۇرىلىسى قارقىندى ءجۇرىپ جاتىر. وسى جارمەڭكەدە يپوتەكامەن باسپانا العىسى كەلگەن 450 ادام 4 جارىم ملرد تەڭگەگە تاپسىرىس بەرگەن. «Nur Otan» پارتياسى قاراعاندى وبلىستىق فيليالى توراعاسىنىڭ ورىنباسارى قاديشا وسپانوۆا مۇنداي جارمەڭكەلەر ۇدايى ءوتىپ تۇراتىنىن جەتكىزدى.

 

الماتىلىقتار اقىل-كەڭەس الدى

الماتى قالاسىنىڭ تۇرعىندارى  جىلجىمالى «حالىققا كومەك» ءموبيلدى اكتسياسىنىڭ اياسىندا وزدەرىن تولعاندىرىپ جۇرگەن ءتۇرلى الەۋمەتتىك ماسەلەلەرگە قاتىستى ساۋالدارىنا جاۋاپ الدى.

اكتسيانى «Nur Otan» پارتياسى الماتى قالالىق فيليالى مەن مەملەكەتتىك جانە قۇقىق قورعاۋ ورگاندارى بىرلەسىپ ۇيىمداستىردى. العاشقى كەڭەس بەرۋ توبى قالاداعى بازارلاردىڭ ءبىرىنىڭ اۋماعىندا قالا تۇرعىندارىنا قابىلداۋ ۇيىمداستىردى.

«Nur Otan» پارتياسى الماتى قالالىق فيليالى توراعاسىنىڭ ءبىرىنشى ورىنباسارى، قالالىق ءماسليحات دەپۋتاتى ستانيسلاۆ كانكۋروۆتىڭ ايتۋىنشا، بۇل كوشپەلى ءىس-شارانى تۇراقتى تۇردە وتكىزۋ بارىسىندا ازاماتتاردى تولعاندىراتىن وزەكتى ءما­سەلەلەر انىقتالىپ، الەۋمەتتىك كيكىلجىڭ تۋدىراتىن وشاقتاردىڭ پايدا بولۋ سەبەپتەرىن الدىن الۋ قاراستىرىلادى. «اكتسيا كەزىندە ءموبيلدى توپقا وتىنىشپەن كەلگەن بارلىق ازاماتتارعا قۇقىقتىق كەڭەستەر بەرىلىپ، ولاردىڭ كوتەرگەن ماسەلەلەرى ورتالىق نەمەسە جەرگىلىكتى مەملەكەتتىك ورگانداردىڭ قاراۋىنا ناقتى شەشىم قابىلداۋ ءۇشىن جولدانادى»، – دەدى ستانيسلاۆ كانكۋروۆ.

اكتسياعا قاتىسقان قالالىق ءماسليحات دەپۋتاتتارى قالي سارسەنباي، نۋريا نيازوۆا، الاتاۋ اۋدانى اكىمى­نىڭ ورىنباسارى جەڭىس سادىرحانوۆ، «اتامەكەن» الماتى قالالىق كاسىپكەرلەر پالاتاسى ديرەكتورىنىڭ ورىنباسارى ايتۋار قوشمامبەتوۆ، «Nur Otan» پارتياسى اقف جانىنداعى سىبايلاس جەمقورلىققا قارسى قوعامدىق كەڭەس توراعاسى بوريس جاپاروۆ، قالالىق كاسىپكەرلىك جانە ينۆەستي­تسيا باسقارماسى باسشىسىنىڭ ورىنباسارى قارلىعاش ءابدىجاپپاروۆا جانە باسقا دا مەملەكەتتىك، قۇقىقتىق ورگانداردىڭ جەتەكشىلەرى   ازاماتتاردىڭ ءارتۇرلى سۇراقتارىنا جاۋاپ بەرىپ، قۇقتىق كەڭەستەر بەردى. اكتسيا جالعاسىن تاباتىن بولادى.

 

حالىققا قاجەت ورتالىق

«حالىققا كومەك» پارتيالىق جوباسىن جۇزەگە اسىرۋ اياسىندا «Nur Otan» پارتياسىنىڭ قوستاناي وبلىسىنا قاراستى دەنيسوۆ اۋداندىق فيليالىنىڭ قوعامدىق قابىلداۋى جانىنان «زاڭگەرلىك كەڭەس بەرۋ ورتالىعى» اشىلدى. وبلىستا تۇڭعىش رەت اشىلعان ورتالىق ازاماتتارعا وزدەرىن تولعاندىرعان زاڭگەرلىك، قۇقىقتىق ماسەلەلەر بويىنشا كومەك بەرەدى.

دەنيسوۆ اۋداندىق سوتىنىڭ توراعاسى نۇربول مۇقانوۆ: «ورتالىقتىڭ ماقساتى – جەرگىلىكتى تۇرعىنداردى  زاڭدارداعى ەنگىزىلىپ جاتقان وزگەرىستەردەن حاباردار ەتۋ، داۋلاردى سوتقا دەيىن شەشۋ، مەدياتسيانىڭ ارتىقشىلىقتارىن ءتۇسىندىرۋ بولىپ تابىلادى. سونداي-اق ازاماتتارعا تەگىن قۇقىقتىق كومەك كورسەتۋ دە كوزدەلىپ وتىر»، – دەيدى.

جوبا جەتەكشىلەرى ورتالىق ازاماتتاردىڭ قۇقىقتىق ماسەلەلەرىن شەشۋدە ىڭعايلى ءارى ءتيىمدى قۇرال بولاتىنىنا سەنىمدى. بۇل باستاما حالىقتىڭ ۋاقىتىن ۇنەمدەيدى. ارنايى جوباعا مۇرىندىق بولعان «Nur Otan» پارتياسى دەنيسوۆ اۋداندىق فيليالى توراعاسىنىڭ ءبىرىنشى ورىنباسارى ايگۇل بەكتەمەسوۆانىڭ سوزىنشە، بۇعان دەيىن جەرگىلىكتى تۇرعىندار قۇزىرلى ورگان، سوت وكىلدەرىنە قابىلداۋعا جازىلۋى ءۇشىن كەزەك كۇتۋ كەرەك ەدى.

«جوبانى «Nur Otan» پارتياسىنىڭ ساياسي مەنەدجمەنت اكادەمياسىندا وقىپ جۇرگەندە قولعا العان ەدىم. كەيىن ءساتتى قورعاپ شىعىپ، وبلىستىق سوت توراعاسىنا كورسەتكەن سوڭ، باستامام قولداۋ تاپتى. دەنيسوۆ اۋدانىنىڭ سوت توراعاسى دا يگى باستاماعا قولعابىس تانىتتى»، – دەيدى ايگۇل بەكتەمەسوۆا.

اۋدانعا قاراستى شالعايداعى ەلدى مەكەندەردىڭ تۇرعىندارى دا ۋاقىتىن ۇنەمدەپ سكايپ، بەينەبايلانىس ارقىلى قۇقىق قورعاۋ ورگاندارىنىڭ ماماندارىنا ءوز ساۋالىن تىكەلەي جولداۋعا مۇمكىندىك الدى. ورتالىقتىڭ اشىلاتىنىن ەستىگەن حالىق قابىلداۋعا جازىلىپ، سۋديا مەن پروكۋراتۋرا ماماندارىنا ماسەلەلەرىن ايتىپ، تۇششىمدى جاۋاپ الدى. ماسەلەن، دەنيسوۆ اۋدانىنىڭ تۇرعىنى باتىربەك كاليموۆ وسىدان ەكى عاسىر بۇرىن تۇرعىزىلعان بوگەت ماسەلەسىن كوتەردى. ونىڭ سوزىنشە، بۇگىندە بۇل نىسان قولدانىلمايدى. تومەن تۇسى ءتىپتى  جارىلىپ، جوندەۋدى قاجەت ەتەدى. بۇل اسىرەسە، كوكتەمدە جەرگىلىكتى تۇرعىندار ءۇشىن قاۋىپ توندىرەدى. قاريا كوتەرگەن ماسەلەنى نۇروتاندىقتار قولداپ، ءتيىستى حاتتى بيلىك وكىلدەرىنە جولداعان. ەندى بۇل ماسەلە شەشىمىن تابادى دەپ كۇتىلۋدە.

ايتا كەتۋ كەرەك، بۇل قوستاناي وبلىسى بويىنشا اشىلعان ازىرگە تۇڭعىش ورتالىق. جوبا جەتەكشىلەرى الداعى ۋاقىتتا بۇل باستامانى وزگە وڭىرلەر دە ىسكە اسىراتىنىنا سەنىمدى. ەلىمىزدە قوعامداعى وزەكتى ماسەلەلەرگە قاتىستى جەدەل ارەكەت ەتۋ ماقساتىندا  جالپىۇلتتىق «حالىققا كومەك» جوباسى جۇزەگە اسۋدا. جاڭا باستامانى «Nur Otan» پارتياسى مەملەكەتتىك ورگاندارمەن، ۇكىمەتتىك ەمەس ۇيىمدارمەن جانە بيزنەس قاۋىمداستىقپەن بىرلەسىپ ىسكە اسىرۋدا.

مارات سەمبەكوۆ – پارتيا حاتشىسى

مارات سەمبەكوۆ «Nur Otan» پارتياسىنىڭ حاتشىسى بولىپ تاعايىندالدى. ال بۇعان دەيىن وسى قىزمەتتى اتقارعان فارحاد قۋانعانوۆ باسقا جۇمىسقا اۋىسۋىنا بايلانىستى «Nur Otan» پارتياسىنىڭ حاتشىسى قىزمەتىنەن بوساتىلدى.

«ەلباسى، پارتيا ليدەرى ن.ءا. نا­­زار­باەۆتىڭ «Nur Otan»-دى «قايتا جانداندىرۋعا» قاتىستى تاپسىرماسىنا سايكەس، م.سەمبەكوۆ پارتيا حاتشىسى بولىپ تاعايىندالدى. ول ۇكىمەتپەن، «Nur Otan»-نىڭ ماجىلىستەگى فراكتسياسىمەن قارىم-قاتىناسقا جاۋاپ بەرىپ، پارتيالىق باقىلاۋ قىزمەتىنىڭ جۇمىسىن ۇيلەستىرەدى»، – دەپ جازدى Twitter-دە پارتيا توراعاسىنىڭ ءبىرىن­شى ورىنباسارى باۋىرجان بايبەك.

ايتا كەتەيىك،  ەلباسى نۇرسۇلتان نازارباەۆ باۋىرجان بايبەكتى قابىلداپ،  پارتيانى  قايتا  جانداندىرۋ باعدارلاماسىن  ءازىر­لەۋدى تاپسىرعان بولاتىن.

مارات سەمبەكوۆ 1979 جىلى تۋعان. ە.ءبو­كەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. ەڭبەك جولىن 2001 جىلى قر ادىلەت مينيسترلىگىندە باستاعان. ءار جىلدارى ەكونوميكا جانە بيۋدجەتتىك جوسپارلاۋ مينيسترلىگىندە، پرەمەر-ءمينيستردىڭ كەڭسەسىندە، رەسپۋبليكالىق بيۋدجەتتىڭ ورىندالۋىن باقىلاۋ جونىندەگى ەسەپ كوميتەتىندە جۇمىس ىستەگەن.

2010-2015 جىلدار ارالىعىندا قر پرەزيدەنتى اكىمشىلىگىنىڭ مەملەكەتتىك ينسپەكتورى، مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمى باسشىسىنىڭ ورىنباسارى بولعان.

2015 جىلدان 2019 جىلعا دەيىن الماتى قالاسى اكىمى اپپاراتىنىڭ باسشىسى قىزمەتىن اتقارعان. 2019 جىلدىڭ اقپانىنان شىلدە ايىنا دەيىن الماتى قالاسى اكىمىنىڭ ورىنباسارى بولدى.

 

جاستاردى قابىلداۋ باستالدى

بۇگىننەن باستاپ «جاستار كادرلىق رەزەرۆ» جوباسىنا ءوتىنىش قابىلداۋ باستالدى. بۇل تۋرالى «بولاشاق» قاۋىمداستىعى  حابارلايدى.

جوبانىڭ ماقساتى – جاستار اراسىندا مەملەكەتتىك باسقارۋ جۇيەسى، بيزنەس جانە قوعامدىق قىزمەت سالاسى ءۇشىن زاماناۋي، ءتيىمدى باسقارۋشىلاردىڭ جاڭا گەنەراتسياسىن قالىپتاستىرۋ. جوبا قورىتىندىسى بويىنشا ەلىمىزدىڭ ءار ايماعىنان 3 ادامنان 51 جاس ىرىكتەلەدى. ولاردىڭ 34-ءى پارلامەنتتە، 17-ءسى ورتالىق مەملەكەتتىك ورگاندار مەن ۇلتتىق كومپانيالاردا تاعىلىمدامادان وتەدى.

«بيىل جوبا 10-شى رەت وتكىزىلەدى. 10 جىلدىڭ  ىشىندە 15 مىڭنان استام جاس جوباعا قاتىستى. ونىڭ ىشىندە 468 جوبا  قاتىسۋشىسى ماجىلىستە، سەناتتا، مەملەكەتتىك ورگانداردا ءوز پراكتيكاسىنان ءوتتى»، – دەيدى «بولاشاق» قاۋىمداستىعىنىڭ اتقارۋشى ديرەكتورى لاۋرا دەمەسىنوۆا.

كونكۋرسقا قاتىسۋشىلاردى ىرىكتەۋدى وبلىستىق جانە قالالىق ءماسليحات دەپۋتاتتارى، مەملەكەتتىك ورگاندار، قوعامدىق ۇيىمدار، باق جانە بيزنەس سالاسى وكىلدەرى كىرەتىن ارنايى كوميسسيالار جۇزەگە اسىرادى. جوباعا 18 بەن  29 جاس ارالىعىنداعى ازاماتتار قاتىسا الادى. وتىنىمدەر ونلاين تۇردە jastar- reserv.kz سايتى ارقىلى 5 قىركۇيەكە دەيىن قابىلدانادى.

«ەشقانداي اعا-كوكەسى جوق، ءوز كۇشىمەن ارى قاراي وسكىسى كەلەتىن، بىلىمىنە سەنەتىن جاستاردىڭ دامۋىنا جاعداي جاساۋ. الەۋمەتتىك ليفت رەتىندە، الەۋمەتتىك تەپشەك رەتىندە جاستاردىڭ جاڭا ورىنداردا ءوزىن بايقاپ، سىناپ كورۋىنە، ءوزىنىڭ ءبىلىمىنىڭ جەتۋىنە شىعارماشىلىق جانە تۇلعالىق دامۋىنا اسەر ەتەتىن ءبىزدىڭ جوبالاردىڭ ءبىرى»، – دەيدى «Nur Otan» پارتياسى «Jas Otan» جاستار قاناتىنىڭ توراعاسى داۋلەت كارىبەك.

 

بىرلىكتە جول جوندەلدى

كوكشەتاۋ قالاسىنىڭ ىرگەسىندە جاتقان «بىرلىك» مولتەك اۋدانىنىڭ قۇرىلعانىنا بيىل وتىز جىلعا جۋىقتاعان. وسى ارالىقتا وبلىس ورتالىعىنىڭ ىرگەسىندەگى اۋىلدا تۇرعىن ۇيلەر سانى ارتىپ، جىل سايىن كوركەيە تۇسكەنى دە جاسىرىن ەمەس.

ورتا ءبىلىم بەرەتىن مەكتەپ پەن بالاباقشا عيماراتى بوي كوتەرىپ، كوشەلەر اباتتاندىرىلا باستادى. الايدا، ءبىزدىڭ باستى ماسەلەمىز جولدىڭ جوقتىعى دەيدى تۇرعىندار. «كوشەمىزدە جاۋىن-شاشىن كەزىندە ءجۇرۋ مۇمكىن ەمەس. اۆتوكولىكتەردىڭ دوڭعالاعى شىداس بەرمەيتىن بولدى»، – دەيدى اۋىل تۇرعىنى مارگاريتا يۆانوۆنا.

اۋىل ازاماتتارى جەرگىلىكتى اتقارۋشى بيلىك وكىلدەرىنە ارىز شاعىمدارىن اپارسا دا بۇعان دەيىن ماسەلە وڭ شەشىمىن تاپپاعان. جول ازابىنان بولەك، اۋىل تۇرعىندارى اۆتوبۋس قاتىناسى مەن قاڭعىباس يتتەردىڭ ماسەلەسىن دە بىرنەشە رەت كوتەرىپ ءجۇر. امالى تاۋسىلعان تۇرعىندار وسىدان ءبىرشاما ۋاقىت بۇرىن «Nur Otan» پارتياسىنىڭ اقمولا وبلىستىق فيليالىنىڭ قوعامدىق قابىلداۋىنا، «بىرلىك» مولتەك اۋدانى بويىنشا وبلىستىق ءماسليحات دەپۋتاتى عالىم بەكماعامبەتوۆتىڭ قابىلداۋىندا بولىپ، بار ماسەلەنى باستان اياق جەتكىزگەن ەدى. ماسەلە وڭ شەشىمىن تاۋىپ، بيىلعى جازدا اۋىلدىڭ 3 كوشەسىندەگى جولعا كۇردەلى جوندەۋ جۇرگىزىلدى.

«مەن كوكتەم مەن كۇز بولسا رەزەڭكە ەتىك كيىپ جۇمىسقا بارامىن. ءبىزدىڭ كوشەنىڭ تۇرعىندارى 10 مىڭ تەڭگەدەن قوسىلىپ كوشەمىزدى جوندەتكەن بولىپ ەدىك، الايدا بۇل پروبلەمانى شەشپەيدى عوي. نۇروتاندىقتار ءبىزدىڭ ماسەلەمىزدى شەشىپ بەرگەندىگىنە قۋانىشتىمىز»، – دەيدى بەلەس كوشەسىنىڭ تۇرعىندارى.

بيىلعى جازدا بىرلىك اۋىلىنىڭ بەلەس، اقبۇلاق جانە جازيرا كوشەلەرىندەگى جولعا كۇردەلى جوندەۋ جۇرگىزىلىپ، اقبۇلاق جانە بەلەس كوشەلەرىنىڭ 900 مەتر جولىنا اسفالت توسەلسە، جازيرا كوشەسىنىڭ بويىنا اعىمداعى جوندەۋ جۇمىستار جۇرگىزىلدى.  بۇل جۇمىس ودان ءارى جالعاسىن تاپپاق.

تەگتەر نۇر وتان

سوڭعى جاڭالىقتار