3 تامىز 2019, 11:19 655 0 ءوندىرىس Turkystan Support

تۇرعىن ءۇي سالۋعا 50 ملرد تەڭگە ءبولىندى

جەرگىلىكتى اتقارۋشى ورگانداردا كەزەكتە تۇرعاندار ءۇشىن ساتىپ الماي جالعا بەرىلەتىن تۇرعىن ءۇي سالۋعا جانە ساتىپ الۋعا 32,8 ملرد تەڭگە كوزدەلگەن. ول ءۇشىن وڭىرلەرگە 14,9 ملرد تەڭگە اۋدارىلدى، ونىڭ 14,8 ملرد تەڭگەسى نەمەسە 99%-ى يگەرىلدى. بۇل تۋرالى قر يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى.

ونىڭ ايتۋىنشا، قاراجاتتىڭ تومەن يگەرىلۋى ماڭعىستاۋ وبلىسىندا باي­قا­لادى. «بيىل كەزەكتە تۇرعاندار ءۇشىن 6 مىڭ پاتەردى پايدالانۋعا بەرۋ جوسپارلانۋدا. 1 شىلدەدە 924 پاتەر (47,6 مىڭ شارشى مەتر) بەرىلدى»، – دەدى مينيستر. سون­داي-اق، ول كوپبالالى وتباسىلار ءۇشىن جالعا بەرىلەتىن تۇرعىن ءۇي سالۋعا جانە ساتىپ الۋعا 50 ملرد تەڭگە قاراستى­رىل­عانىن جەتكىزدى. «قارجىلاندىرۋ جوسپارى بويىنشا وڭىرلەرگە 9,7 ملرد تەڭگە اۋدارىلدى، ونىڭ 9,6 ملرد تەڭگەسى نەمەسە 99,6%-ى يگەرىلدى. بارلىق كوزدەردەن 7482 پاتەر بەرۋ جوسپارلانۋدا. مامىر ايىنان باستاپ 1619 كوپبالالى وتباسىنا تۇرعىن ءۇي بەرىلدى»، – دەدى رومان سكليار. مينيس­تردىڭ مالىمەتىنشە، جۇمىس ىستەيتىن جاس­تار­دىڭ ەڭبەك ۇتقىرلىعىن قام­تا­ماسىز ەتۋ ءۇشىن نۇر-سۇلتان، الماتى جانە شىمكەنت قالالارىندا 2019-2021 جىلدارى جىلىنا 1 مىڭ جالدامالى پاتەر سالۋ جوس­پارلانعان.

«مەملەكەت باسشىسىنىڭ تاپسىرماسىمەن جالعا بەرىلەتىن تۇرعىن ءۇي سالۋ مەن ساتىپ الۋ ءۇشىن قارجىلاندىرۋ كولەمى جىلىنا 21,6 ملرد تەڭگەگە دەيىن ءوستى. 3 جىل ىشىندە 64,8 ملرد تەڭگە. بۇل 2019, 2020 جانە 2021 جىلدارى جۇمىسشى جاستارعا 3 مىڭ جالعا بەرىلەتىن پاتەر بەرۋگە مۇمكىندىك بەرەدى. ماسەلەن، نۇر-سۇلتان، الماتى قالالا­رىندا 1050 جانە شىمكەنتتە 900 ءپا­تەر»، – دەيدى مينيستر.

سونىمەن قاتار، ول قارجىلاندىرۋدىڭ وسۋىنە بايلانىستى «نۇرلى جەر» باعدار­لاماسىنا تولىقتىرۋلار ەنگىزەتىندەرىن ايتتى. ال جاستار ساياساتى جونىندەگى ۋاكىلەتتى ورگان جاقىن ارادا تۇرعىن ءۇي ءبولۋ كريتەريلەرى مەن ءتارتىبىن انىق­تايدى.

سوڭعى جاڭالىقتار