3 تامىز, 11:16 362 0 قاۋىپسىزدىك "تۇركىستان" گازەتىنىڭ اۆتورلارى

ەلوردادا سيريا بويىنشا كەزدەسۋ وتەدى

قر سىرتقى ىستەر مينيسترلىگىنىڭ ۇيلەستىرۋىمەن 1-2 تامىزدا نۇر-سۇلتاندا وتكىزىلۋى جوسپارلانعان سيريا بويىنشا جوعارى دەڭگەيدەگى حالىقارالىق كەزدەسۋدىڭ كەزەكتى 13-ءشى راۋندىنا دايىندىق جۇمىستارى تولىق قارقىنمەن جۇرگىزىلۋدە.

«بۇگىنگى كۇنگە دەيىن بارلىق شا­قى­رىلعان تاراپتار وزدەرىنىڭ قاتى­سا­تىندىعىن راستادى. اتاپ ايتقاندا، رەسەي دەلەگاتسياسىن رف پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتەۆ، تۇركيا دەلەگاتسياسىن تر سىرتقى ساياسي ۆەدومستۆو باسشىسىنىڭ ورىنباسارى سەدات ونال باسقارادى. يران دەلەگاتسياسىنا سىرتقى ىستەر ءمينيسترىنىڭ ساياسي ىستەر جونىندەگى جوعارى كومەكشىسى الي اسگار حادجي باسشىلىق ەتەدى. سونىمەن بىرگە، اتالعان كەزدەسۋگە سيرياداعى ەكى قاقتىعىسۋشى تاراپ – سيريانىڭ بۇۇ-داعى تۇراقتى وكىلى باشار ءال-دجاافاري باستاعان سار ۇكىمەتتىك دەلەگاتسياسى جانە احماد ال-توۋما باستاعان قارۋلى وپپوزيتسيا قاتىسادى»، – دەلىنگەن   اقپاراتتا.

كەزدەسۋدىڭ جاڭالىعى – استانا فورماتىنداعى بۇعان دەيىنگى كەلىسسوزدەر نەگىزىندە قابىلدانعان شەشىمگە سايكەس، يراك پەن ليۆان دەلەگاتسيالارىنىڭ اتالعان پروتسەسكە بايقاۋشىلار رەتىندە قاتىسۋى.

«وكىنىشكە قاراي، بۇۇ باس حاتشى­سى­نىڭ سيريا جونىندەگى ارنايى وكىلى گەير پەدەرسەن دەنساۋلىعىنا بايلانىستى الداعى كەلىسسوزدەرگە قاتىسا المايتىن بولادى. بۇۇ دەلەگاتسياسىن ونىڭ ورىنباسارى باسقارادى. بۇعان قوسا، وسى كۇندەرى سيرياارالىق كەلىسسوزدەر شەڭبەرىندە وتەتىن تۇتقىنداردى بوساتۋ، قازا تاپقانداردىڭ دەنەلەرىن تابىستاۋ جانە ءىز-ءتۇزسىز جوعالعانداردى ىزدەستىرۋ بويىنشا جۇمىس توبىنىڭ كەزەكتى كەزدەسۋىنە قاتىسۋ ءۇشىن بۇۇ بوسقىندار ىستەرى جونىندەگى جوعارعى كوميسسارى باسقار­ما­سى جانە حالىقارالىق قىزىل كرەست كوميتەتىنىڭ وكىلدەرى نۇر-سۇلتانعا كەلەدى»، – دەلىنگەن تاراتىلعان اقپاراتتا.

بۇرىن وتكەن سيرياارالىق كەلىس­سوز­دەرگە ۇقساس، ءبىرىنشى كۇنى «جابىق ەسىك» جاعدايىندا ەكىجاقتى جانە كوپجاقتى تەحنيكالىق كونسۋلتاتسيالار، ال كەلەسى كۇنى جالپى وتىرىس وتەدى. ەكى كۇندىك كەلىسسوزدەردىڭ نەگىزگى ناتيجەلەرى استانا پروتسەسىنىڭ كەپىلگەر مەملەكەتتەرىمەن قابىلداناتىن بىرلەسكەن مالىمدەمەسىندە باياندالادى.

«تۇركىستان-اقپارات» 

تەگتەر سيريا

سوڭعى جاڭالىقتار