3 تامىز, 10:58 344 0 قوعام Turkystan Support

مەملەكەت باسشىسى تۇڭعىشباي جامانقۇلوۆتى قابىلدادى

قر پرەزيدەنتى قاسىم-جومارت توقاەۆ قازاقستاننىڭ تەاتر قايراتكەرلەرى ودا­عىنىڭ توراعاسى تۇڭعىشباي جامان­قۇل­وۆتى قابىلدادى. بۇل جايىندا اقور­دا­نىڭ رەسمي سايتى مالىمدەدى. كەزدەسۋدە قازاق ونەرى جايلى اڭگىمەنىڭ تيەگى اعى­تىلدى. «مەملەكەت باسشىسىنا تۇڭعىشباي جامانقۇلوۆ قازاقستاننىڭ ۇلتتىق تەا­تر­لارىنىڭ جاي-كۇيى، كينەماتوگرافيا سالاسىنىڭ جاعدايى تۋرالى مالىمەت بەردى»، – دەلىنگەن حابارلامادا.

ناقتىلاي ايتساق، وڭىرلەردەگى تەاتر­لار­دىڭ شىعارماشىلىق جاعدايى، ت.ءجۇر­گەنوۆ اتىنداعى قازاق ۇلتتىق ونەر اكادە­ميا­سىنداعى جاس مامانداردى دايىنداۋ بارىسى جانە باسقا دا ماسەلەلەر كوتەرىلدى. كەزدەسۋدە قازاقستاننىڭ تەاتر قايرات­كەر­لەرى وداعىنىڭ مارتەبەسىن ارتتىرۋ جايى ءسوز بولىپ، وعان باسا كوڭىل اۋدارىلدى.

«قاسىم-جومارت توقاەۆ تەاتر جانە كينو ونەرى ەلىمىزدىڭ مادەني-رۋحاني دامۋىندا ايرىقشا ءرول اتقاراتىنىنا نازار اۋداردى. سوندىقتان، وسى سالالاردىڭ دامۋىنا ەرەكشە كوڭىل ءبولىپ، ءاردايىم قولداۋ بىلدىرەتىنىن اتاپ ءوتتى» – دەپ جاز­دى اقوردانىڭ ءباسپاسوز قىزمەتى.

سوڭعى جاڭالىقتار