26 شىلدە, 17:16 835 0 قوعام دينارا مىڭجاسارقىزى

باعدات ءمانزوروۆ ءسۇت زاۋىتىن ارالادى

الماتى وبلىسى اكىمىنىڭ ورىنباسارى باعدات سايلانبايۇلى ءمانزوروۆ الماتى وبلىسى ىلە اۋدانىندا ورنالاسقان “Danone Berkut” مەكەمەسىنە بارىپ، زاۋىتتىڭ جاي-كۇيىمەن تانىستى. 

باعدات ءمانزوروۆ العاشقى ساپارىن الماتى وبلىسىنىڭ ەكونوميكالىق كۇرەتامىرى سانالاتىن ىلە اۋدانىنان باستادى. ىلە اۋدانى بويىنشا 250 ونەركاسىپ نىسانى بار. ونەركاسىبى قاتتى دامىعان، ينۆەستيتسيا جانە سالىق جاعىنان الدىڭعى شەپتەگى ايماقتىڭ ءبىرى.

2019 جىلدىڭ 26 شىلدەسىندە الماتى وبلىسى اكىمىنىڭ ورىنباسارى باعدات سايلانبايۇلى مانزوروۆ الماتى وبلىسى ىلە اۋدانىندا ورنالاسقان فرانتسيا كومپانياسىنىڭ «Danone» ءسۇت ونىمدەرىن شىعاراتىن زاۋىتىنا ارنايى كەلىپ، مەكەمەنىڭ قىزمەتىمەن تانىستى. باعدات سايلانبايۇلى ءوندىرىستىڭ تىنىس-تىرشىلىگىن كورىپ، قىزمەتكەرلەرمەن كەزدەستى.

ءىسساپار بارىسىندا باعدات سايلانبايۇلى سۇتتەن شىعارىلاتىن ءونىمنىڭ ساپاسى مەن زاۋىتتىڭ تازالىعىن جوعارى باعالاپ، مەكەمە ۇجىمىنا يگى تىلەكتەر ايتتى. ءوز كەزەگىندە قازاقستان، ورتالىق ازيا جانە كاۆكاز ەلدەرىندەگى Danone كومپانياسىنىڭ كورپوراتيۆتىك بايلانىس جونىندەگى ديرەكتورى دىنمۇحامەد ايساۋتوۆ الماتى وبلىسى اكىمىنىڭ ورىنباسارىنا كاسىپكەرلەر مەن جەكە شارۋاشىلىق قوجالىقتارىنا ءاردايىم كورسەتىلەتىن قولداۋى ءۇشىن العىسىن ءبىلدىردى. «ءبىز ءۇشىن جەرگىلىكتى بيلىك وكىلدەرىنىڭ كومەگى وتە ماڭىزدى. ارقاشاندا كەز كەلگەن سۇراقتارعا جاۋاپ الىپ، كومەك-قولداۋىنا العىس ايتامىز!» - دەدى دىنمۇحامەد ايساۋتوۆ،

سوڭعى جاڭالىقتار