24 شىلدە, 16:31 543 0 بىلگەنگە مارجان دينارا مىڭجاسارقىزى

اسسامبلەيا وكىلدەرى اباي ولەڭدەرىن وقىدى

ۇلى اقىن ابايدىڭ 175 جىلدىعىنا وراي جولدانىپ جاتقان ەستافەتانى قازاقستان حالى اسسامبلەيا وكىلدەرى دە ءىلىپ اكەتتى. باسقا ۇلت وكىلدەرى ابايدىڭ ولەڭىن قازاق تىلىندە وقىپ، جۇرتتىڭ العىسىنا بولەندى. بۇگىنگى تاڭدا چەللەندجدى قولداپ، قازاق تىلىندە اقىن ولەڭدەرىن وقىعان ەتنوس وكىلدەرىنىڭ سانى جۇزدەن استى. 582 الەۋ­مەتتىك جەلى قولدانۋ­شىسى اباي قۇنانباەۆ ولەڭ­دەرىنەن ءۇزىن­دى وقىپ، ءوز پاراق­شاسىنا ۆيدەو سالعان.

الماتىداعى دوستىق ءۇيىن­­دە قازاقستان حالقى اس­سام­­­بلەياسى توراعاسىنىڭ ورىن­باسارى – پرەزي­دەنت اكىمشىلىگى قحا حات­شى­­لىعىنىڭ مەڭگەرۋ­شىسى جانسەيىت تۇيمەباەۆ قا­زاقتىڭ ۇلى اقىنى اباي قۇنان­باەۆتىڭ 175 جىل­دى­عىنا ارنالعان اباي ولەڭ­دەرىن وقۋ ەستافەتاسىنا قا­تىسۋشىلارمەن كەزدەستى.

دوستىق ۇيىندە جالعاسىن تاپ­قان شارا بارىسىندا جانسەيىت تۇيمەباەۆ الماتى قالالىق «احىس­كا» تۇرىك ەتنومادەني ءبىر­لەس­تىگى توراعاسىنىڭ ورىنباسارى قازاقباي قاسىموۆ باستاعان ەستافەتا قاتىسۋشىلارىنا ابايدىڭ كىتابىن سىيلىققا تارتۋ ەتىپ، 37-ءشى قارا ءسوزىن وقىدى. مۇنى اسسامبلەيا جاستارى جالعاستىرىپ، ولەڭ­دەرىن جاتقا ايتتى، ءاندى دە سالدى.

وسى شارا اياسىندا ۇيعىر حالقى تاعامدارىنىڭ فەستيۆالى دە ءوتتى. ۇيعىر ۇلتى وكىلدەرى ءان سالىپ، بي بيلەدى.

ءبىز اڭگىمەگە تارتقان پارلامەنت ءماجىلى­سىنىڭ دەپۋتاتى، ۇيعىر ەتنوما­دەني ور­تالىعىنىڭ توراعاسى شاي­مار­دان نۇرىموۆ: "اباي ولەڭدەرىن رەسپۋبليكا جۇرتشىلىعى بولىپ وقۋ - ۇلكەن تاربيە. ءبارىمىز دە اباي ولەڭدەرىن وقىپ، سۋسىنداپ وستىك. ابايدى بۇل ارقىلى بۇكىل الەم جۇرتى تانىپ جاتىر. بۇل ەستافەتا ۇلى اقىننىڭ مەرەيتويىنا دەيىن جالعاسادى دەپ ويلايمىن" دەدى.

سوڭعى جاڭالىقتار