23 شىلدە, 12:23 451 0 ىشكى ساياسات Túrkistan Gazeti

قازاقستاندا سىبايلاس جەمقورلىقپەن كۇرەس جاڭا ساتىعا كوتەرىلمەك

سىبايلاس جەمقورلىققا قارسى ءىس-قيمىل اگەنتتىگىندە سىبايلاس جەمقورلىقتىڭ الدىن الۋ باعىتىن كۇشەيتۋ ءۇشىن جاڭا ءۇش دەپارتامەنت قۇرىلدى. بۇل جايىندا اگەنتتىك توراعاسى اليك شپەكباەۆقا Facebook-تەگى پاراقشاسىندا جازىپ، اگەنتتىكتىڭ جاڭا قۇرىلىمى تۋرالى ايتىپ بەردى.

«دوستار، مەملەكەت باسشىسى سىبايلاس جەمقورلىققا قارسى ءىس-قيمىل اگەنتتىگىنىڭ ەرەجەسى مەن قۇرىلىسىن بەكىتتى. ونى دايىنداۋ كەزىندە ءبىز جۇمىسى قىلمىستىق-قۇقىقتىق سيپاتتاعى الدىن الۋدىڭ، اعارتۋدىڭ جانە شارالاردىڭ ۇتىمدى ۇيلەسۋىنە نەگىزدەلگەن شەتەلدىك سىبايلاس جەمقورلىققا قارسى بارىنشا تابىستى ورگانداردىڭ مودەلىن نەگىزگە الدىق.

ءبىزدىڭ ميسسيامىز – قازاقستان حالقىنىڭ يگىلىگى ءۇشىن سىبايلاس جەمقورلىقتى جويۋ. ءبىز ازاماتتاردى جانە مەملەكەتتىك ينستيتۋتتاردى سەنىمدى قورعاي بىلەتىن كاسىبي، اشىق، ءتيىمدى ءارى ناتيجەلى قۇقىق قورعاۋ ورگانىنىڭ مارتەبەسىنە تولىقتاي سايكەس بولۋ ءۇشىن، باستاعان جۇمىسىمىزدى جالعاستىرامىز. بۇل ءۇشىن ادىلدىك، پاراساتتىلىق جانە سەنىم سياقتى باستى قۇندىلىقتارعا سۇيەنە وتىرىپ جۇمىس جاسايمىز»، دەپ جازدى اليك شپەكباەۆ.

ونىڭ ايتۋىنشا، اگەنتتىكتىڭ جاڭا قۇرىلىمىنان سىبايلاس جەمقورلىقتىڭ الدىن الۋدىڭ باسىمدىلىعى كورىنەدى، سوندىقتان وسى باعىتتى كۇشەيتۋ ءۇشىن جاڭا ءۇش دەپارتامەنت قۇرىلعان.

«الدىن الۋ دەپارتامەنتى سىبايلاس جەمقورلىققا قارسى مونيتورينگ جۇرگىزۋمەن، جەمقورلىق سەبەپتەرى مەن جاعدايلارىن، اكىمشىلىك كەدەرگىلەر مەن بيۋروكراتتىق راسىمدەردى كەزەكتى تۇردە جويا وتىرىپ، سىبايلاس جەمقورلىق تاۋەكەلدەرىنە تالداۋ جاساۋمەن اينالىسادى. پاراساتتىلىق دەپارتامەنتىنىڭ الدىنا سىبايلاس جەمقورلىققا قارسى دۇنيەتانىم مەن قۇقىق تانىمىن قالىپتاستىرۋ، ادەپتىلىككە جانە ساتىلماۋشىلىققا باۋلۋ، سونداي-اق اگەنتتىكتىڭ جوبالارىن ۇيلەستىرۋ مىندەتتەرى قويىلعان. سەرىكتەستىك دەپارتامەنتى جۇرتشىلىقپەن، باق-پەن ءوزارا ءىس-قيمىلعا، سونداي-اق حالىقارالىق ىنتىماقتاستىق ماسەلەسى بويىنشا جاۋاپتى.سوڭعى ەكى جاڭا قۇرىلىمنىڭ ىشكى رەزەرۆتەر ەسەبىنەن قۇرىلعاندىعىن اتاپ كەتۋ كەرەك»، دەيدى اليك شپەكباەۆ.

ونىڭ پىكىرىنشە، جەدەل-تەرگەۋ بلوگى ايتارلىقتاي كۇشەيتىلگەن. جۇمىس ىستەپ تۇرعان قۇرىلىمدارعا قوسىمشا جاڭا ەكى دەپارتامەنت قۇرىلدى، ولاردىڭ مىندەتى كۆازيمەملەكەتتىك سەكتورداعى سىبايلاس جەمقورلىق قۇقىق بۇزۋشىلىقتاردى انىقتاۋ جانە تەرگەۋ بولماق.

«بۇل شەشىم مەملەكەتتىڭ قاتىسۋىمەن وراسان زور قاراجاتتى يگەرەتىن ۇلتتىق حولدينگتەر، كومپانيالار مەن كاسىپورىنداردىڭ قىزمەتىندەگى سىبايلاس جەمقورلىقتى بارىنشا ازايتۋدىڭ ستراتەگيالىق ماڭىزدىلىعىمەن تۇسىندىرىلەدى»، دەپ جازدى اگەنتتىك باسشىسى.

جەكە قاۋىپسىزدىك دەپارتامەنتىنىڭ جۇمىس باعىتىنىڭ اۋقىمى كەڭ. ەگەر ول بۇرىن جەكە قۇرام اراسىندا سىبايلاس جەمقورلىقتى انىقتاۋعا جانە جولىن كەسۋگە كوبىرەك باعىتتالسا، ەندى ونىڭ الدىنا اگەنتتىك قىزمەتكەرلەرىنىڭ جۇمىسىندا كەزدەسەتىن سىبايلاس جەمقورلىق تاۋەكەلدەرىنە كەشەندى مونيتورينگ جۇرگىزۋ مىندەتى قويىلدى.

«جاڭا قۇرىلىمدا اگەنتتىكتىڭ نەگىزگى قىزمەتىن قامتاماسىز ەتەتىن ءۇش بولىمشە كوزدەلگەن. ستراتەگيا جانە جەدەل باسقارۋ دەپارتامەنتىنە ستراتەگيالىق جوسپارلاۋ فۋنكتسيالارى، ۇيىمداستىرۋ-تالداۋ جانە كەزەكشى ءبولىم جۇمىسى جۇكتەلگەن. كادر جۇمىسىن ۇيىمداستىرۋ دەپارتامەنتىنىڭ قىزمەتىندە ادامي كاپيتالدى، ونىڭ ىشىندە ۇزدىكسىز وقىتۋدىڭ قازىرگى زامانعى جۇيەسىن قالىپتاستىرۋ جانە جەكە قۇرامنىڭ بىلىكتىلىگىن ارتتىرۋ ارقىلى دامىتۋ ماسەلەلەرى باسىم بولادى»، دەپ جازدى اليك شپەكباەۆ.

ونىڭ ايتۋىنشا، سىبايلاس جەمقورلىقتى جويۋ مەملەكەتتىك اپپاراتتا عانا ەمەس، سونىمەن قاتار بيزنەس قىزمەتىندە، ءاربىر قازاقستاندىقتىڭ ساناسىندا جۇيەلى وزگەرىستەردى تالاپ ەتەدى.

«ءبىز ءوز جۇمىسىمىزدا، بۇرىنعىسىنشا، »جەدەل جەڭىستەر« ستراتەگياسىن ۇستاناتىن جانە ازاماتتىق قوعام ينستيتۋتتارىمەن، بيزنەسپەن، بەي-جاي قارامايتىن جانە بەلسەندى ادامدارمەن ءوزارا ءىس-قيمىلدا ەلەۋلى ناتيجەلەرگە قول جەتكىزەتىن بولامىز»، دەيدى اگەنتتىك باسشىسى.

سوڭعى جاڭالىقتار