23 شىلدە 2019, 11:33 698 0 كولىك Túrkistan Gazeti

LRT قۇرىلىسى قاشان اياقتالاتىنى بەلگىلى بولدى

قر پرەمەر-ءمينيسترىنىڭ ورىنباسارى جەڭىس قاسىمبەك ەلورداداعى LRT قۇرىلىسى قاشان اياقتالاتىنىن ايتتى.

«نۇر-سۇلتان قالاسىندا جەڭىل رەلستى كولىك جوباسىن جۇزەگە اسىرۋ قازىرگى ۋاقىتتا ەلوردا اكىمدىگى «پروبلەمالى كرەديتتەر قورى» اق-مەن، ۇلتتىق بانكپەن جانە قارجى مينيسترلىگىمەن بىرگە «استانا بانكى» اق-داعى بۇعاتتالعان قارجىسىن الۋ ماسەلەسىن قاراستىرۋدا.

جوبانى ودان ءارى ىسكە اسىرۋ ماسەلەسى 24 شىلدە كۇنى نۇر-سۇلتان قالاسىن دامىتۋ جونىندەگى مەملەكەتتىك كوميسسيانىڭ وتىرىسىندا قارالاتىن بولادى»، - دەدى ج. قاسىمبەك ۇكىمەت وتىرىسىندا.

وسى ورايدا ول اتالعان نىساننىڭ قۇرىلىسىن اياقتاۋ جونىندە پرەزيدەنتتىڭ تاپسىرماسى بولعانىن ەسكە سالدى.

«الداعى ۋاقىتتا اكىمدىك وسى جوبانى جۇزەگە اسىرۋدىڭ نۇسقالارىن ۇسىنادى. مەملەكەتتىك كوميسسيا وتىرىسىنىڭ قورىتىندىسى بويىنشا تولىق اقپاراتتى بەرەتىن بولامىز. جوبا اياعىنا دەيىن جەتكىزىلەدى، نىساندى تاپسىرۋ مەرزىمى الداعى جىلدىڭ سوڭىنا بەلگىلەنىپ وتىر»، - دەگى ۇكىمەت باسشىسىنىڭ ورىنباسارى.

 

سوڭعى جاڭالىقتار