22 شىلدە, 15:49 455 0 كولىك Túrkistan Gazeti

الماتىدا LRT جەلىسى قۇرىلىسىنىڭ جوباسى

«قازاقستاندىق مەملەكەتتىك-جەكەشەلىك ارىپتەستىك ورتالىعى» اق باسقارما تورعاسىنىڭ ورىنباسارى ايدوس كوبەتوۆ الماتىدا LRT جەلىسى قۇرىلىسىنىڭ جوباسى قانداي پريتسيپپەن جۇزەگە اسىرىلاتىنىن ايتتى.

«الماتىدا LRT جوباسى بار جانە ونى مەملەكەتتىك-جەكەشەلىك ارىپتەستىك بويىنشا ىسكە اسىرۋ ەسكەرىلگەن. جوبا ەكىنشى كەزەڭ دەڭگەيىندە تۇر. ياعني جوبانى جۇزەگە اسىرۋدىڭ ەكى كەزەڭدىك تەتىگى بار، بۇل رەتتە ارىپتەستەردىڭ وزدەرى ءتيىستى قارجىلىق-تەحنيكالىق، زاڭگەرلىك شەشىمدەردى ۇسىنادى»، - دەدى ايدوس كوبەتوۆ ۇكىمەت ۇيىندەگى بريفينگتە.

وسى ورايدا ول ءبىرىنشى كونكۋرستىڭ ناتيجەسىن جاريالادى.

«ءبىرىنشى كونكۋرستىڭ قورىتىندىسى بويىنشا كونسورتسيۋمداعى 9 كومپانيا ىشىنەن تورتەۋى ءوتتى. ولاردىڭ قۇرامىندا تۇركيا، جاپونيا، فرانتسيا جانە وڭتۇستىك كورەيا بار. اتاپ ايتقاندا، بۇل جوبا اياسىندا قىركۇيەك-تامىزدا ەكىنشى كەزەڭ بويىنشا راسىمدەردى باستاۋ كوزدەلگەن. وسى رەتتە جوبا الدىندا بەلگىلەنگەن مەرزىمدە ىسكە اسىرىلماق»، - دەدى ا. كوبەتوۆ.

سوڭعى جاڭالىقتار