22 شىلدە, 12:51 526 0 ءوندىرىس Túrkistan Gazeti

جەتىسايدا 324 مىڭ توننادان استام باقشا ونىمدەرى جينالدى

تۇركىستان وبلىسى جەتىساي اۋدانىندا بۇگىنگە دەيىن 324 مىڭنان استام باقشا ونىمدەرى جينالدى. ونىڭ 70 پايىزعا جۋىعى رەسەي مەن ەۋروپا ەلدەرىنە ەكسپورتتالىپ وتىر. ال قالعان بولىگى ەلىمىزدىڭ سولتۇستىك وبلىستارىنا جونەلتىلۋدە.

بۇدان بولەك، 94 600 توننا كوكونىس، اتاپ ايتساندا، 32 400 توننا قىزاناق، 355 توننا سارىمساق، 7 700 توننا باكلاجان، 3 600 توننا بالعار بۇرىشى، 14000 توننا قيار وندىرىلگەن.

جالپى بيىل جەتىساي اۋدانىندا 77 274 گەكتار جەرگە ەگىن ەگىلگەن. ونىڭ 45 100 گەكتارىن ماقتا، 16 مىڭ گەكتارىن باقشا ونىمدەرى، 4 مىڭ گەكتارىن كوكونىس داقىلدارى قۇرايدى.

ايتا كەتەرلىگى، بۇگىندە جەتىسايلىق قاۋىن، قاربىزدار جوعارى سۇرانىسقا يە. تاتتىلىگى ءتىل ۇيىرەر باقشا ونىمدەرىنىڭ كولەمى جىل ساناپ ارتىپ كەلەدى. بۇل رەتتە باقشا ونىمدەرىنىڭ شەتەلدەرگە ەكسپورتتالۋى دا دۇرىس جولعا قويىلعان. سونىڭ ناتيجەسىندە وندىرىلگەن ءونىمنىڭ 70 پايىزىن شەتەل نارىعىنا شىعارۋعا مۇمكىندىك تۋىپ وتىر.

بيىل 16 مىڭنان استام جەرگە باقشا داقىلدارى ەگىلسە، ونىڭ 8741 گەكتارى پلەنكالى قاۋىن، 3950 گەكتارى پلەنكالى قاربىز. سونداي-اق، بيىل اۋداندا 2981 گەكتارعا اشىق قاۋىن مەن 900 گەكتارعا قاربىز ەگىلىپ وتىر. اۋدان شارۋالارى ءبىر جەردەن ەكى رەت ءونىم الۋ ءۇردىسىن قولعا الىپ، تابىس كوزدەرىن مولايتۋدا.

سوڭعى جاڭالىقتار