19 شىلدە 2019, 13:09 668 0 ىشكى ساياسات Túrkistan Gazeti

ارۋجان ساين جاڭا قىزمەتكە تاعايىندالدى

مەملەكەت باسشىسىنىڭ وكىمىمەن ارۋجان ساين قازاقستان رەسپۋبليكاسىنداعى بالا قۇقىقتارى جونىندەگى ۋاكىل قىزمەتىنە تاعايىندالدى.

«بەلگىلى قوعام قايراتكەرى ارۋجان سايىندى بالا قۇقىقتارى جونىندەگى ۋاكىل ەتىپ تاعايىندادىم. جەمىستى جۇمىس اتقارادى دەپ سەنەمىن. سەناتور ساۋلە ايتپاەۆاعا وسى لاۋازىمداعى جۇمىسى ءۇشىن ريزاشىلىق بىلدىرەمىن»، - دەپ جازدى پرەزيدەنت Twitter-دەگى پاراقشاسىندا.

ارۋجان ساين 1976 جىلى 10 تامىزدا قىزىلوردا قالاسىندا دۇنيەگە كەلگەن.

ءال-فارابي اتىنداعى قازاق ۇلتتىق ۋنيۆەرسيتەتىنىڭ گەوگرافيا فاكۋلتەتىن بىتىرگەن.

ەڭبەك جولى: حابار تەلەارناسىنداعى كۇندەلىكتى «رازمينكا» باعدارلاماسىنىڭ تەلەجۇرگىزۇشىسى (1993 جىلدان باستاپ); «ءدامدى جانە تەز»، ارى قاراي «جۇلدىزدى مەنيۋ» كۋلينارلىق باعدارلامالارىنىڭ تەلەجۇرگىزۋشىسى (1994-1999); «ەركەماي» ءبۇلدىرشىن ويىن باعدارلاماسىنىڭ تەلەجۇرگىزۋشىسى (1994-2000); «ەل ارنا» تەلەارناسىنداعى «انا مەكتەبى» تانىمدىق باعدارلاماسىنىڭ تەلەجۇرگىزۋشىسى (2006 جىلدان باستاپ); «سابىرلىق، تەك سابىرلىق» توك-شوۋىنىڭ تەلەجۇرگىزۋشىسى (2010 جىلدان باستاپ); «بۇلدىرشىندەرگە ءومىر سىيلا» باعدارلاماسىنىڭ جۇرگىزۋشىسى (2011 جىلدان باستاپ). 2009 جىلى «مۇگەدەكتەرگە قامقورلىق جاساعانى ءۇشىن» اتالىمى بويىنشا «التىن جۇرەك» («زولوتوە سەردتسە») سىيلىعىنا ۇسىنىلعان. «حالىق سۇيىكتىسى» ۇلتتىق سىيلىعىنىڭ لاۋرەاتى.

سوڭعى جاڭالىقتار