18 شىلدە 2019, 13:22 586 0 جاڭالىقتار تاڭسۇلۋ الدابەرگەنقىزى

رۋحاني جاڭعىرۋدىڭ ەكىنشى جىلى

ەلىمىزدىڭ تۇڭعىش پرەزيدەنتى، ەلباسىمىز ن.نازارباەۆتىڭ «بولاشاق­قا باعدار: رۋحاني جاڭعىرۋ» اتتى باعدار­لا­مالىق ماقالاسى جاريالانىپ، قوعامدا قىزۋ تالقىلانىپ كەلە جاتقانىنا ەكىنشى جىل. وندا قوعامدىق سانانى جاڭ­عىر­تۋدىڭ ناقتى باعىتتارى ايقىندالىپ، ۇلتتىق دەڭگەيدەگى اۋقىمدى جوباعا اينالدى. ونى قازاقستاندىق قوعامنىڭ قازىرگى جانە الداعى ۇزاق مەرزىمدى پەرسپەكتيۆاسىنداعى يدەولوگيالىق پلاتفورما دەسە دە بولادى. ويتكەنى قوعامدىق سانانى جاڭعىرتۋ ورتاق الەۋمەتتىك قاجەتتىلىكپەن تىعىز بايلانىستى. قازاقستان ازاماتتارىنىڭ قوعامدىق ساناسىنىڭ مازمۇنى ولاردىڭ مۇددەلەرى مەن يدەيالارىنا، قۇندىلىق­تا­رى­نا بايلانىستى بولعاندىقتان، مادە­نيەت، مىنەز-قۇلىق، سالت-ءداستۇر، عىلىم مەن ءبىلىم، ادامگەرشىلىگىن قوسا العانداعى رۋحاني نەگىزدەردەن باستاۋ الادى. وسى رەتتە باسەكەگە قابىلەتتىلىك، پراگماتيزم، ۇلتتىق بىرەگەيلىكتى ساقتاۋ، عىلىم-ءبىلىمنىڭ سالتانات قۇرۋى، ەۆوليۋتسيالىق دامۋ مەن سانا­نىڭ اشىقتىعى ءوزىمىز ءومىر ءسۇرىپ وتىرعان عاسىرداعى ۇلتتىق سانانى جاڭ­عىرتۋدىڭ باستى باعىتىنا اينالىپ وتىر. سونىمەن قاتار قر پرەزيدەنتى جانى­نان قۇرىلعان قوعامدىق سانانى جاڭ­عىرتۋ باعدارلا­ما­سىن جۇزەگە اسىرۋ جونىندەگى ۇلتتىق كوميسسيا ەكى جىلدان بەرى اتقارىلعان ءىس-شارالاردى باقىلاپ، بىرنەشە باعىت-باعدار ۇسىنعان ەدى.

«جاڭا گۋمانيتارلىق ءبىلىم. قازاق ءتى­لىن­دەگى 100 وقۋلىق»، «تۋعان جەر»، «قازاق­ستان­نىڭ كيەلى جەرلەرىنىڭ گەوگرافياسى»، «جاھانداعى قازاقستاندىق مادەنيەت»، «قازاقستاندىق 100 جاڭا ەسىم» سىندى باعدارلامالار بويىنشا كوپتەگەن شارالار ءوز ناتيجەلەرىن بەردى. اسىرەسە، «قازاق­ستاندىق 100 جاڭا ەسىم» – «رۋحاني جاڭ­عى­رۋدىڭ» شىن مانىندەگى اۋقىمدى جوباسىنا اينالدى دەسەك، ارتىق ايتقاندىق بولماس. قوعامداعى ءار سالانىڭ كورنەكتى تۇل­عالارى، ياعني تاۋەلسىزدىك جىلدارىندا ءار سالا بويىنشا تابىسقا جەتكەن، ەلگە تانىمال بولعان ءوز ءىسىنىڭ شەبەرلەرى انىق­تالىپ، ودان سايىن تانىمالدانا ءتۇستى. ولار­دىڭ ءىس-تاجىريبەلەرى الىس-جاقىن شەتەل­دىك كاسىپكەرلەردى دە قىزىقتىرا تۇسكەنى انىق.

«رۋحاني جاڭعىرۋداعى» باسا نازار اۋداراتىن ەكى باعىت، ول – ۇلتتىق كود پەن ۇلتتىق مادەنيەت ەكەنى ماقالادا باسا ايتىلعاندىقتان، بۇل ەكەۋى ساقتالماسا ەشقاشان رۋحاني جاڭعىرۋ دا بولمايتىنى دا بەلگىلى جاعدايات. سوندىقتان دا «رۋحاني جاڭعىرۋ» باعدارلاماسىن ناسيحاتتاۋ مەن ونى جۇزەگە اسىرۋ جۇمىسىنا بارلىق ازاماتتىق قوعام وكىلدەرىنىڭ اتسالىسۋى زاڭدىلىق. بۇل رەتتە ەلىمىزدىڭ، مەملەكە­تى­مىزدىڭ بولاشاعى ءۇشىن الداعى ۋاقىتتا دا باعدارلامالىق باعىت-باعدارمەن جۇمىس ىستەي بەرۋ ماقساتى تۇعىردان تۇسپەۋى قاجەت.

ت. ميرمانوۆا

 

سوڭعى جاڭالىقتار