18 شىلدە, 12:41 552 0 ونەر دينارا مىڭجاسارقىزى

«ارىستان پاتشا» – قازاق تىلىندە

 «ارىستان پاتشانىڭ» كوپتەن كۇتكەن Disney رەمەيكى بۇگىننەن باستاپ رەسپۋبليكالىق پروكاتقا شىقتى. انيماتسيالىق فيلم «بولاشاق» كورپوراتيۆتىك قورى جانە «مەلومان» كومپانياسىنىڭ باستاماسىمەن «وزىڭنەن باستا» جوباسى اياسىندا دۋبلياجدالدى.

جوبا «نۇر وتان» پارتياسى جانە الماتى قالاسى اكىمدىگىنىڭ قولداۋىمەن جۇزەگە اسىرىلۋدا. بۇل - ماحاببات پەن دوستىق، ادالدىق پەن بيلىك ءۇشىن كۇرەسكەن افريكالىق ساۆاننانى مەكەندەۋشىلەر تۋرالى Disney-ءدىڭ انيماتسيالىق كينوتۋىندىسى. اڭدار پاتشاسى مۋفاسانىڭ مۇراگەرى سيمبا دۇنيەگە كەلەدى. فيلمدە مۇراگەردىڭ ەركەلىكتەن - باقىتسىزدىققا، بەيقام كەزبەدەن - قۇتقارۋشى مەن بارلىق اڭداردىڭ امىرشىسىنە دەيىنگى بۇرالاڭعا تولى ءومىرى باياندالادى. ءفيلمنىڭ كاستينگىنە نۇر-سۇلتان جانە الماتى قالالارىنان 50-دەن استام اكتەر قاتىسقان. «بۇل - قازاق تىلىنە دۋبلياجدالعان العاشقى ءفيلمىم ەمەس. قيىندىقتار بولدى، بىراق ماعان ءبارى ۇنادى. مەن سيمبانىڭ اكەسى مۋفاسانى دۋبلياجدادىم، ءوزىمنىڭ ءرولىمدى وتە ماڭىزدى دەپ سانايمىن، ويتكەنى ول بارلىق جانۋارلاردىڭ يەسى جانە پاتشاسى. فيلمدەگى ءرولى قىسقا، بىراق ەلەۋلى، ول ءوز ۇلىنا قامقورلىق جاسايدى. ارينە، دۋبلياج كەزىندە قىزىقتى وقيعالار بولدى، ءبىر جەردە ولار ءماتىندى دۇرىس اۋدارماپتى، بىراق مەن ءۇش ساعاتتا قايتا اۋدارىپ شىقتىم. الدىمەن كاستينگ وتكىزىلدى. ءۇش ادامنىڭ ىشىنەن مەنى تاڭداپ الدى. رەجيسسەرگە ريزامىن. مەنىڭ ويىمشا، كورەرمەندەر ءبىزدىڭ جۇمىسىمىزعا ءوز باعاسىن بەرەدى»، - دەيدى اكتەر بەكبولات قۇرمانعوجاەۆ.

قازاق تىلىندەگى ءفيلمنىڭ باستى ساۋندترەگىن تانىمال قازاقستاندىق ءانشى مارجان اراپباەۆا ورىندادى. ارىستان نالانىڭ «العا» ءانىن «X-Factor» تەلەجوباسىنىڭ جەڭىمپازى داريا عابدۋلل شىرقادى. قازاق ءتىلى دۋبلياجىنىڭ رەجيسسەرلىگى شاح-مۇرات ورداباەۆقا بۇيىردى. «وزىڭنەن باستا» - گولليۆۋدتىق فيلمدەردى قازاق تىلىنە دۋبلياجداۋعا باعىتتالعان جوبا. «بولاشاق» كورپوراتيۆتىك قورى جانە «مەلومان» كومپانياسىنىڭ باستاماسىمەن 2011 جىلدان باستاپ جۇزەگە اسىرىلۋدا. الەۋمەتتىك جانە كوممەرتسيالىق ماقساتتاردى كوزدەمەيدى. «وزىڭنەن باستا» جوباسى اياسىندا قازاق تىلىنە گولليۆۋدتىڭ 31 كينوتۋىندىسى دۋبلياجدالدى، ولاردىڭ ىشىندە: «تاچكي-2»/»كولىكتەر 2»،«مستيتەلي-2: ەرا الترونا»/ «كەك الۋشىلار: الترون ءداۋىرى»، «حرابرايا سەردتسەم»/«باتىل جۇرەك»، «تاينا كوكو»/«كوكونىڭ قۇپياسى»،«موانا»،«مالەفيسەنتا»،«الاددين»، «يستوريا يگرۋشەك-4»/ «ويىنشىقتار حيكاياسى-4» جانە باسقا تۋىندىلار بار. «Walt Disney Pictures»/ «Pixar» ستۋديالارىنىڭ 15 انيماتسيالىق ءفيلمى جانە «Sony Pictures»، «Disney»، Lucasfilm Ltd جانە Marvel Studios Inc. ستۋديالارىنىڭ وتباسىمەن كورۋگە ارنالعان 16 ءفيلمى بار. 2019 جىلى قازاقستاندىق كورەرمەندەردى قازاق تىلىنە اۋدارىلعان تاعى ەكى ءفيلمنىڭ پرەمەراسى كۇتىپ تۇر. قازان ايىندا «مالەفيسەنتا» جانە قاراشا ايىندا «مۇزدى ولكە 2» كورسەتىلىمگە شىعادى. جوبانىڭ ارقاسىندا 100-دەن استام وتاندىق اكتەر «Walt Disney Pictures» داۋىستار بازاسىنا ەنگىزىلگەن.

سوڭعى جاڭالىقتار