18 شىلدە, 11:30 390 0 ءبىلىم دينارا مىڭجاسارقىزى

الدەكىمدەردىڭ ءالىپبي جايلى «اڭگىمەسى» جالعان ەكەن

ءبىر-ەكى كۇندىكتە اقپارات قۇرالدارىندا «لاتىن الىپبيىنە كوشۋ ماسەلەسى كەشەۋىلدەيدى» دەگەن اقپارات جەلدەي ەستى. وسىعان وراي، قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ توراعاسى عالىمجان مەلدەشوۆتىڭ لاتىن گرافيكاسىنا كوشۋ مەرزىمىن ۇزارتۋعا قاتىستى اقپارات تۋرالى تۇسىنىكتەمە بەردى.

«قازاق ءتىلىن لاتىن گرافيكاسىنا كوشىرۋ جۇمىستارى 2030-2035 جىلدارعا دەيىن سوزىلاتىندىعى تۋرالى «يزۆەستيا» گازەتىنە شىققان ماتەريال شىندىققا سايكەس كەلمەيدى. تۇڭعىش پرەزيدەنت-ەلباسىنىڭ قازاق ءالىپبيىن كيريليتسادان لاتىن گرافيكاسىنا كوشىرۋ جونىندەگى جارلىعىنا سايكەس، قازاقستان رەسپۋبليكاسى ۇكىمەتى تاراپىنان «قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارى» (قر پرەمەر-ءمينيسترىنىڭ 13.03.2018 ج.№27-ءو.) بەكىتىلدى.

ءىس-شارالار جوسپارىن ورىنداۋ 3 كەزەڭگە بولىنگەن جانە اتقارىلاتىن شارالار كەزەڭ-كەزەڭىمەن ناقتى كورسەتىلگەن»، –  دەپ اتاپ ءوتتى ع.مەلدەش.

«وسى رەتتە ۇكىمەت تاراپىنان اتقارىلىپ جاتقان جۇمىستار جوسپارلانعان مەرزىمگە سايكەس، جۇرگىزىلىپ جاتقانىن حابارلايمىز.

ءبىرىنشى، 2018-2020 جىلدارى نورماتيۆتىك قۇقىقتىق اكتىلەردى جەتىلدىرۋ بويىنشا جۇمىستاردى جۇرگىزۋ، جاڭا الىپبيدە ەملە ەرەجەسىن جانە لاتىن الىپبيىنە ماتىندىك قايتا كوشىرۋگە ارنالعان IT قوسىمشاسىن ازىرلەۋ;

ەكىنشى، 2021-2023 جىلدارى مەملەكەتتىك، جەرگىلىكتى اتقارۋشى ورگاندار قابىلداعان قولدانىستاعى نورماتيۆتىك قۇقىقتىق اكتىلەردى، پاسپورتتار، كۋالىكتەر جانە باسقا دا قۇجاتتاردى لاتىن قارپىنە اۋىستىرۋ;

ءۇشىنشى، 2024-2025 جىلدارى ورتالىق اتقارۋشى ورگاندار مەن جەرگىلىكتى اتقارۋشى ورگاندار، مەملەكەتتىك باق، سونداي-اق ءبىلىم بەرۋ ۇيىمدارىنىڭ ءىس قاعازدارىن لاتىن قارپىنە كوشىرۋ.

سونىمەن قاتار اعىمداعى جىلى تىلدەردى دامىتۋ مەن قولدانۋدىڭ 2020-2025 جىلدارعا ارنالعان مەملەكەتتىك باعدارلاماسى جوباسى ازىرلەنۋدە. اتالعان باعدارلامانىڭ نەگىزگى ماقساتتارىنىڭ ءبىرى لاتىن نەگىزدى قازاق ءالىپبيىن جاڭعىرتۋ جۇمىستارىن جەتىلدىرۋگە باعىتتالعان.

وسى رەتتە ۇكىمەت تاراپىنان اتقارىلىپ جاتقان جۇمىستار جوسپارلانعان مەرزىمگە سايكەس جۇرگىزىلىپ جاتقانىن حابارلايمىز»، –  دەپ ءتۇسىندىردى.

 

توعجان تولەگەن

سوڭعى جاڭالىقتار