17 شىلدە 2019, 19:58 596 0 ادەبيەت Túrkistan Gazeti

بەرىك ابدىعاليۇلى: ساياسي رەفورمالاردىڭ قاجەتتىلىگىن كوتەرۋ كەرەك

جاڭادان قۇرىلعان ۇلتتىق قوعامدىق سەنىم كەڭەسى ساياسي قوعامداعى ەڭ وزەكتى ماسەلەلەر بويىنشا ۇسىنىستار بەرۋى ءتيىس. «كيەلى قازاقستان» عىلىمي-زەرتتەۋ ورتالىعىنىڭ باسشىسى، ۇلتتىق قوعامدىق سەنىم كەڭەسىنىڭ مۇشەسى بەرىك ابدىعاليۇلى وسىلاي دەيدى.

«ۇلتتىق كەڭەس قۇرۋ پرەزيدەنتتىڭ سايلاۋالدى پلاتفورماسىندا كورسەتىلگەن. ءبىر جاعىنان قوعامداعى ءتۇرلى پىكىرلەردى ەسكەرىپ، سوعان ۇسىنىستاردى جيناۋ بولسا، ەكىنشى جاعىنان نەگىزگى ديالوگتىق الاڭ جاساۋ، ماماندارمەن، ساراپشىلارمەن اقىلداسۋ بويىنشا قۇرىلادى دەگەن جوسپار بار. ونىڭ قۇرامىندا قوعامدىق پىكىردى قالىپتاستىرىپ جۇرگەن قايراتكەرلەر، جۋرناليستەر، بلوگەرلەر، ساياساتكەرلەر بار. مەنىڭشە بۇل دا ءبىر پرەزيدەنت جانىنداعى كونسۋلتاتيۆتى-كەڭەسشى ورگان رەتىندە ساياسي رەفورمالار، الەۋمەتتىك، ەكونوميكالىق جاعدايلارعا بايلانىستى قاجەتتى جانە ەلىمىزدىڭ دامۋىنا ماڭىزدى ۇسىنىستار بەرىپ وتىرۋى ءتيىس»، – دەدى بەرىك ابدىعاليۇلى.

پرەزيدەنت اكىمشىلىگىندە ارنايى تالداۋ جۇرگىزىلىپ، ۇلتتىق كەڭەستىڭ 41 مۇشەسى ىرىكتەلىپ الىنعان. ولار جىلىنا كەم دەگەندە ءۇش رەت جينالىپ، وزەكتى ماسەلەلەردى تالقىلاۋى ءتيىس.

«جەكە ءوزىم رۋحانيات، ۇلتتىڭ دامۋى، جەرگىلىكتى مەملەكەتتىك باسقارۋ، ونىڭ ىشىندە اۋىل ماسەلەسى، اكىمدەردىڭ جۇمىسى، وڭىرلىك ساياساتىنا بايلانىستى تاجىريبەم مەن ۇسىنىستارىمدى بولىسەمىن دەپ ويلايمىن. ساياسي رەفورمالاردىڭ قاجەتتىلىگىن، ليبەرالدىق پرينتسيپتەردى ىسكە اسىرۋعا قاجەتتىلىگىن كوتەرۋىمىز كەرەك»، - دەدى ب.ابدىعاليۇلى.

سوڭعى جاڭالىقتار