17 شىلدە, 19:45 388 0 ىشكى ساياسات Túrkistan Gazeti

مۇرات ابەنوۆ: ۇلتتىق قوعامدىق كەڭەستىڭ جۇمىسى ساياسي ماسەلەلەرمەن عانا شەكتەلمەۋ كەرەك

ورتالىق كوممۋنيكاتسيالار ورتالىعىندا وتكەن برەفينگتە قوعام قايراتكەرى مۇرات ابەنوۆ «ۇلتتىق قوعامدىق كەڭەستىڭ جۇمىسى ساياسي ماسەلەلەرمەن عانا شەكتەلمەۋ كەرەك» دەدى.

«كەڭەستىڭ قۇرىلۋىنىڭ قاجەتتىگىن ءبارىمىز ءتۇسىنىپ وتىرمىز. جاڭا عانا كەڭەستىڭ قۇرامىن قاراپ شىقتىم. ماعان ءار ءتۇرلى سالادان، ءار ءتۇرلى ساياسي پارتيالاردان وكىلدەر بار بولعانى ۇنادى. مەنىڭ ويىمشا، بۇل ۇيىم اندا-ساندا، 2-3 ايدا ءبىر رەت رەسمي جيىن وتكىزەتىن رەسمي جولدان تارتىنىپ، قوعامداعى ەڭ وزەكتى ماسەلەلەردى تالقىلايتىن الاڭ بولۋى كەرەك. كەڭەستىڭ جۇمىس توڭىرەگىندە تەك قانا ساياسي ماسەلەلەر ەمەس، الەۋمەتتىك ماسەلەلەر دە تالقىلاناتىنى ۇنادى. بۇل بىزگە مەملەكەتتىك باعدارلامالاردى ساراپتاپ، تالداپ، ۇسىنىس بەرىپ، كەمشىلىكتەر بولسا بىردەن ايتىپ، پروبلەمانىڭ ۋشىعىپ، كۇشەيىپ كەتۋىنە جول بەرمەي، دەر كەزىندە دۇرىس ۇسىنىستار جاساۋعا مۇمكىندىك بەرەدى»، - دەدى ول.

قوعام قايراتكەرى بەلسەندى ازاماتتاردىڭ وي-پىكىرى مەملەكەتتىك ورگاندار تاراپىنان ەسكەرىلمەي جاتقانىن ايتادى.

«قازىر ءبىزدىڭ ازاماتتار وتە بەلسەندى. بىراق، وكىنىشكە وراي، مەملەكەتتىڭ ورگاندارىنىڭ باسشىلارىمەن تىكەلەي بايلانىس جاساۋعا كوبىنىڭ مۇمكىندىگى جوق. كەيبىر مينيسترلىك اشىق، جاريالى تۇردە جۇمىس ىستەسە، كەيبىر مەملەكەتتىك ورگانداردىڭ باسشىلارى جابىق جۇمىس جۇرگىزەدى. مەنىڭ ويىمشا، كەڭەس مۇشەلەرى ەل الدىنداعى جاۋاپكەرشىلىگىن تۇسىنە وتىرىپ، وسى كەڭەستىڭ وكىلەتتىلىگىن پايدالانىپ، ءوز سالالارى بويىنشا كوپتەگەن كۇردەلى ماسەلەلەردىڭ ءتيىمدى شەشىلۋىنە اتسالىسۋى كەرەك»، - دەيدى ول.

مۇرات ابەنوۆ قازىر كوپتەگەن وزەكتى ماسەلەلەر تەك الەۋمەتتىك جەلى الاڭىندا عانا ايتىلىپ كەلە جاتقانىن دا تىلگە تيەك ەتتى.

«كوپ ازاماتتار ماسەلەلەرىن قايدا ايتارىن بىلمەي، الەۋمەتتىك جەلىمەن شەكتەلىپ جۇرگەن ەدى. مەملەكەتتىك باعدارلامالاردىڭ تيىمسىزدىگىن مەملەكەت باسشىسى دا سىنادى. كوبىنەسە باعدارلامالاردى تالقىلاۋ جابىق تۇردە، مينيسترلىك جانىندا عانا وتەدى. سوندىقتان، وعان قاتىستى سىن الەۋمەتتىك جەلى دەڭەيىندە عانا قالىپ كەلدى. قوعامدىق كەڭەستەردىڭ جۇمىسىندا بۇل قاراستىرىلعانىمەن، ولاردىڭ مينيسترلىك جانىنان قۇرىلعانىن ۇمىتپاۋ كەرەك. بۇل كەڭەس تەك ماسەلەلەردى تالقىلاپ قانا قويماي، ەلدەگى پىكىرتالاستى تالدايتىن بولادى»، – دەدى قوعام قايراتكەرى.

سوڭعى جاڭالىقتار