17 شىلدە 2019, 13:49 615 0 ءوندىرىس Túrkistan Gazeti

التاي كولگىنوۆ اstana LRT جوباسى جايىندا پىكىر ءبىلدىردى

نۇر-سۇلتان قالاسىنىڭ اكىمى التاي كولگىنوۆ اstana LRT جوباسى بويىنشا بۇعاتتالعان قارجىنى مەملەكەتكە قايتارۋدى تاپسىردى.

مەملەكەت باسشىسىنىڭ ۇكىمەتتىڭ كەڭەيتىلگەن وتىرسىندا بيۋدجەتتى ءتيىمدى يگەرۋ بويىنشا اۋقىمدى تاپسىرمالار بەرگەنىن ەسكە سالعان التاي كولگىنوۆ اstana LRT جوباسى جايلى ءسوز قوزعادى.

«مەملەكەت باسشىسى قاسىم-جومارت توقاەۆ اstana LRT جوبا قۇنى تىم جوعارى ەكەنىن، ءوزىن-ءوزى اقتايتىنى كۇماندى ەكەنىن ايتتى. قازىر ۇكىمەتپەن بىرگە قۇرىلىس قۇنىن وڭتايلاندىرۋ بويىنشا جۇمىستار ىستەپ جاتىرمىز. «استانا» بانكىنىڭ LRT قۇرىلىسى بويىنشا بۇعاتتالعان بارلىق قاراجاتى مەملەكەتكە قايتارىلۋى ءتيىس»، - دەگەن قالا اكىمى الداعى ۋاقىتتا بيۋدجەتتىك باعدارلامالاردىڭ قايتا جاسالاتىنىن جەتكىزدى.

«يميدجدىك جوبالاردان تارتىنۋ قاجەت بولادى. پرەزيدەنت بۇل تۇرعىدا ايقىن ماقسات قويدى. بيۋدجەتتىك جوبالار «نە ءۇشىن قاجەت» جانە «الەۋمەتتىك-ەكونوميكالىق تيىمدىلىگى قانداي» دەگەن ەڭ قاراپايىم ەكى ساۋالعا جاۋاپ بەرۋ ءتيىس ەكەنىن اتاپ ءوتتى. راسىمەن دە جوبانى دايىنداعاندا تەحنيكالىق-ەكونوميكالىق قۇجاتتاما مەن جوبالىق سمەتاسىنان بۇرىن قانداي الەۋمەتتىك-ەكونوميكالىق ماسەلەنى شەشەتىنىنە باس اۋىرتۋ قاجەت»، - دەدى التاي كولگىنوۆ.

 

سوڭعى جاڭالىقتار