16 شىلدە 2019, 14:45 516 0 جاڭالىقتار Túrkistan Gazeti

Moody's "ForteBank" اق رەيتينگىن ۆ3-تەن B1-گە دەيىن كوتەردى

ForteBank رەيتينگى بىردەن ەكى ساتىعا كوتەرىلدى. بۇل تۋرالى 2019 جىلعى 15 شىلدەدە Moody's Investors Service ("Moody's") حالىقارالىق رەيتينگتىك اگەنتتىگى ForteBank ۆ3 دەپوزيتتەرى بويىنشا ۇزاق مەرزىمدى رەيتينگتى ۆ1-گە، رەيتينگ بولجامى «تۇراقتى» دەڭگەيىنە دەيىن كوتەرگەنى تۋرالى شەشىم قابىلداعانىن حابارلادى.

وسىعان وراي، پىكىر بىلدىرگەن Moody's ساراپشىلارى:
– رەيتينگتىڭ ارتۋى – بانكتىڭ كىرىسى مەن سوڭعى ەكى جىلداعى قارجىلىق تۇراقتىلىعىنىڭ جاقسارعانىن كورسەتەدى. بانك تابىسىنىڭ ارتۋىنىڭ نەگىزگى سەبەپتەرىنە توقتالساق، ول ونىڭ بيزنەسىنىڭ ءوسۋى، شىعىستاردى ۇستاپ قالۋ، ۇزاق جىلدىق پروبلەمالىق بەرەشەكتى قايتارۋ جانە كوميسسيالىق الىمداردى ارتتىرۋ جۇمىستارىن ءتيىمدى جۇرگىزۋدىڭ ناتيجەسى دەپ ايتار ەدىم. اعىمداعى جىلدىڭ 1 ماۋسىمىنداعى مالىمەتتەر بويىنشا ForteBank اكتيۆتەرىنىڭ كولەمى جونىنەن نارىقتىق ۇلەسى 8% بولاتىن قازاقستانداعى ەكىنشى ءىرى بانك بولىپ تابىلادى، – دەدى.

ال، ForteBank باسقارما توراعاسى گۋرام اندرونيكاشۆيلي اتالمىش جاعىمدى جاڭالىققا بايلانىستى: "ForteBank وڭ قارجىلىق جانە وپەراتسيالىق ناتيجەلەرگە قول جەتكىزۋدى جالعاستىرىپ كەلەدى. سونىمەن بىرگە بانك ەلدەگى جوعارى كاپيتالداندىرىلعان، ەڭ ءوتىمدى جانە يننوۆاتسيالىق بانكتەردىڭ ءبىرى بولىپ تابىلادى. 1 ماۋسىمدا بانك اكتيۆتەرىنىڭ كولەمى 1 897 ميلليارد تەڭگەنى قۇراپ، جىل باسىنان بەرى 120 ميلليارد تەڭگەگە (+7%) ءوستى. ماۋسىم ايىندا S&P Global Ratings ForteBank رەيتينگتەرىن "ۆ" - تەن "ۆ+" - كە دەيىن كوتەردى. بۇل دا ءبىز ءۇشىن ۇلكەن جەتىستىكتىڭ ءبىرى. رەيتينگتەردىڭ كەزەكتى جاقسارۋى قازاقستانداعى ForteBank نارىقتىق پوزيتسيالارىنىڭ كۇشەيتىلۋىنىڭ دالەلى بولىپ تابىلادى. ءبىز وسى باعىتتان تانباي، تۇتىنۋشىلارىمىزعا ساپالى قىزمەت كورسەتۋدى جالعاستىرا بەرەمىز", – دەپ ءوز ويىن ءبىلدىردى.

سوڭعى جاڭالىقتار