15 شىلدە, 17:58 354 0 ىشكى ساياسات Túrkistan Gazeti

"بولاشاق" باعدارلاماسىنىڭ بولاشاعى قانداي؟

قر پرەزيدەنتى قاسىم-جومارت توقاەۆ «بولاشاق» باعدارلاماسىنا قاتىسۋ تالاپتارىن وزگەرتۋدى تاپسىردى.

«ءبىلىم جانە ۇلتتىق ەكونوميكا مينيسترلىكتەرىندە ۆيتسە-مينيسترلەر «بولاشاق» باعدارلاماسى ءۇشىن ءوز لاۋازىمدارىن اياقاستى تاستاپ كەتكەنى بەلگىلى. 45 جاستان كەيىن قايداعى «بولاشاق» باعدارلاماسىمەن وقۋ؟ مۇنداي مىسالدار از ەمەس، تومەن دەڭگەيدەگى بىرنەشە مەكەمەدە دە وسىنداي جاعداي ورىن العان. قىزمەتكەرلەر باسشىسىنا كەلەدى دە، «مەنى «بولاشاق» باعدارلاماسىمەن وقۋعا جىبەرىڭىز» دەيدى. وسىلايشا، ماگيسترانت اتانىپ كەتە بارادى»، - دەدى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا.

مەملەكەت باسشىسى وسىنىڭ سالدارىنان كەزەكتى ۆيتسە-ءمينيستردىڭ بۇرىنعى ۆيتسە-مينيستر وقۋدان كەلگەنشە ءبىر-اق جىلعا تاعايىندالاتىنىن ءتۇسىندىردى. «بۇل ابسۋرد، بۇل مەملەكەتتىك قىزمەت ەمەس. ساباقتاستىق قايدا، قىزمەتكەرلەردىڭ ينستيتۋتسيونالدىق زەردەسى قايدا؟ پرەزيدەنت اكىمشىلىگى باعدارلاماعا قاتىسۋ تالاپتارىنا وزگەرىس ەنگىزۋى ءتيىس. ساياسي قىزمەتشىلەر، ارينە، ءوز ءبىلىمىن جەتىلدىرۋگە قۇقىلى. بىراق، مەملەكەت ەسەبىنەن ەمەس، بوس ۋاقىتىندا ءوز قالاۋىمەن اينالىسقاندارى ءجون»، - دەدى قاسىم-جومارت توقاەۆ.

سوڭعى جاڭالىقتار