15 شىلدە, 17:53 383 0 قاۋىپسىزدىك Túrkistan Gazeti

الماتىدا جارىق نەگە ءوشتى؟

الماتى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسى تۇتاس قالانىڭ جارىقسىز قالۋىنىڭ سەبەبىن ءتۇسىندىردى.

«بۇگىن 14:14-دە «الماتىەنەرگوسبىت» اق جەس-2 ستانساسىنىڭ قاينار كوزىندە اقاۋ بولدى. سونىڭ كەسىرىنەن قالانىڭ كوپ بولىگى ەلەكتر قۋاتىنسىز قالدى. قازىرگى تاڭدا جەس-2 نىسانىندا كل-220 كۆ بويىنشا جارىق بەرىلدى. قالانى قورشاعان سىرتقى شەڭبەر بويىنشا KEGOC 220 كۆ جەلىسىندە قالانى ەلەكتر جەلىسىنە قوسۋ پروتسەسى ءجۇرىپ جاتىر. بۇل نىساندى قايتا قوسۋعا 1-1,5 ساعات ۋاقىت كەتەدى»، - دەپ ءمالىم ەتتى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىنان.

قالانىڭ بارلىق اۋداندارى كەشكى ساعات 17:00-دە ەلەكتر ەنەرگياسىنا تولىق قوسىلاتىن بولادى. قازىرگى تاڭدا قالاداعى بارلىق باعدارشامداردىڭ جۇمىسى رەتتەلدى. كوشەلەردەگى جول قوزعالىسىن رەتتەۋگە 400-دەن استام جول-پارتۋلدىك پوليتسيا قىزمەتكەرى شىقتى.

ارنايى جۇمىس توبى اپاتتىڭ سەبەبىن انىقتاپ جاتىر.

 

سوڭعى جاڭالىقتار