15 شىلدە, 17:07 730 0 بىلگەنگە مارجان Turkystan Support

«TÚRKISTAN» گازەتىنىڭ 25 جىلدىعى ىستىقكولدە اتاپ ءوتىلدى

«TÚRKISTAN» حالىقارالىق گازەتىنىڭ 25 جىلدىق مەرەيتويىنا ارنالعان جۋرناليستەردىڭ جازعى مەكتەبى قىرعىز ەلىنىڭ ىستىقكولىندە بولىپ ءوتتى.

12-14 شىلدە ارالىعىندا ۇيىمداستىرىلعان جازعى مەكتەپ وسىمەن جەتىنشى مارتە وتكىزىلىپ وتىر. بۇل جولعى شاراعا وزبەكستان، قىرعىز ەلى، قاراقالپاقستان جانە قازاقستاننان جۋرناليستيكا سالاسى بويىنشا ەڭبەك جازىپ، زەرتتەۋ جاساپ جۇرگەن عالىمدار مەن پراكتيك جۋرناليستەر قاتىستى. جازعى مەكتەپتى ۇيىمداستىرۋشى ءال-فارابي اتىنداعى قازاق ۇلتتىق ۋنيۆەرسيتەتى. 3 كۇنگە جالعاسقان ءىس شارا بارىسىندا ورتا ازيا ەلدەرىنىڭ وكىلدەرى جۋرناليستيكاعا قاتىستى ءوزارا ورتاق ماسەلەلەردى تالقىلاپ، وزىندىك تاجىريبەلەرىن ءبولىستى.

فوتو اۆتورى ماقسات قۇسايىنوۆ

جازعى مەكتەپتىڭ العاشقى كۇنى «TÚRKISTAN» حالىقارالىق گازەتىنىڭ باس رەداكتورى قۋات اۋەسباي جينالعاندارعا «مەديا مەنەدجمەنت» جايلى ءدارىس وقىپ، قازاقستاندىق باق-تاعى باسقارۋ جونىنەن مىسالدار كەلتىرىپ، تاجىريبە ءبولىستى. ال «تۇركىستان» حالىقارالىق گازەتىنىڭ باس رەداكتورىنىڭ ورىنباسارى بەيبىت توقتارباي «ازاماتتىق جۋرناليستيكا» جايلى وتاندىق جانە شەتەلدىك باق-تاعى كورىنىسىنەن مىسالدار كەلتىردى. ءدارىس سوڭىندا شەتەلدىك قوناقتار مەن وتاندىق باق وكىلدەرى ازاماتتىق جۋرناليستيكا جايلى پىكىر الماسىپ، تاقىرىپتى تالقىلادى.

جازعى مەكتەپتىڭ ەكىنشى كۇنى «TÚRKISTAN» حالىقارالىق گازەتىنىڭ قىزمەتكەرلەرى دينارا مىڭجاسارقىزى مەن احمەت ومىرزاق جينالعاندارعا الەۋمەتتىك جۋرناليستيكا جانە دەرەكتى پايدالانۋداعى ماڭىزدىلىق جايلى بايانداپ، جۇمىس بارىسىنداعى تاجىريبەلەرىنەن مىسالدار كەلتىردى.

ال جازعى مەكتەپتىڭ ءۇشىنشى كۇنى وزبەكستان، قاراقالپاقستان، قىرعىز ەلىنىڭ وكىلدەرى ءوز ەلدەرىندەگى جۋرناليستيكانىڭ پروبلەماسى مەن پراكتيكاسى جايلى باياندادى.

ءۇش كۇنگە جالعاسقان جيىن سوڭىندا تاراپتار كەلەسى باسقوسۋدى بۇدان اۋقىمدى كولەمدە ۇيىمداستىراتىندارىن ايتىپ تاراستى. جازعى مەكتەپ ۇيىمداستىرۋشىسى، ءال-فارابي اتىنداعى قازۇۋ-ءنىڭ پروفەسسورى گۇلميرا سۇلتانباەۆا دارىسكە قاتىسقاندارعا ارنايى سەرتيفيكات تابىستادى.

"تۇركىستان-اقپارات"

سوڭعى جاڭالىقتار