15 شىلدە, 11:50 304 0 ىشكى ساياسات Túrkistan Gazeti

8 مىڭ وتباسى باسپانالى بولدى

ەلىمىزدە «7-20-25» باعدارلاماسى بويىنشا 8 مىڭعا جۋىق وتباسى 92 ملرد تەڭگە قارىز الدى. بۇل جايىندا نۇر-سۇلتانداعى ۇكىمەت وتىرىسىندا ۇلتتىق بانك توراعاسى ەربولات دوساەۆ مالىمدەدى. 

«ەلباسى ۇسىنعان بەس الەۋمەتتىك باستامانى ەنگىزۋ - حالىقتى قولجەتىمدى باسپانامەن قامتۋدىڭ باستى باعىتى سانالادى. «7-20-25» باعدارلاماسى بويىنشا 7 936 وتباسى 92 ملرد تەڭگەگە قارىز الدى. باعدارلاما بانكتىڭ يپوتەكالىق پورتفەلىنىڭ 24,8% - شامامەن 1,4 ترلن تەڭگە ءوسىمىن قامتاماسىز ەتتى. باعدارلاما كورسەتكىشىن جاقسارتۋ ماقساتىندا بيىل مامىر ايىندا قارىز الۋشىلارعا باستاپقى جارنانى باسپانا باعاسىنىڭ 20%-دان اساتىن سومادا تولەۋ قۇقىعى بەرىلدى. بۇل اي سايىنعى تولەم كولەمىن ازايتۋعا جانە تابىسى از ازاماتتاردى قامتۋعا مۇمكىندىك بەردى. بانكتەرگە قويىلاتىن تالاپتى تومەندەتۋ ارقىلى قاتىسۋشى-بانكتەر سانى ارتتى»، - دەدى ەربولات دوساەۆ.

سوڭعى جاڭالىقتار