15 شىلدە, 11:36 302 0 جاڭالىقتار Túrkistan Gazeti

جەتىنشى ياركوكروسس دجۋنگليگە شاقىرادى!

20 شىلدە كۇنى نۇر-سۇلتان قالاسىندا بۋراباي كۇزەت ايماعىنىڭ تابيعي مينەرالدى سۋى TURAN جانە نۇر-سۇلتان قالاسى اكىمدىگىنىڭ قولداۋىمەن «پوسادي دەرەۆو» قورى ۇيىمداستىرعان ياركوكروسس فەستيۆالى وتەدى. ترياتلون پارك استانا كەشەنىندە وتەتىن قايىرىمدىلىق جارىستىڭ باستى تاقىرىبى - «تاڭعالارلىق دجۋنگلي». فەستيۆال تاريحىندا تۇڭعىش رەت مارەگە جەتكەندەر مەدالمەن ماراپاتتالادى.

قاتىسۋشىلارعا مارەگە جەتۋ ءۇشىن 5-شاقىرىمدىق «دجۋنگليدەن» ءوتۋ كەرەك. ءداستۇر بويىنشا، باسىنان اياعىنا دەيىن جۇگىرۋشىلەرگە جارقىن ءارى ەكولوگيالىق تازا بوياۋلار شاشىلادى. ياركوكروسستا تايمەر جوق، سوندىقتان قاتىسۋشىلار ىڭعايلى ىرعاقپەن جۇگىرە، سەكىرە نەمەسە اسىقپاي سەرۋەندەي الادى.

جارىستىڭ باستالۋى ساعات 10.00-دە. مارافون اياقتالعاننان كەيىن قاتىسۋشىلار فۋد-كورت اۋماعىندا تاماقتانىپ، جاسىل رەلاكس ايماعىنىڭ كولەڭكەسىندە تىنىعىپ، تابيعي سۋ TURAN كومەگىمەن سۋ-تۇزدى تەڭگەرىمىن قالپىنا كەلتىرە الادى. سوندي-اق DJ مۋزىكاسىنا بي بيلەپ، سەرىكتەس ويىن-ساۋىق ايماقتارىندا كوڭىل كوتەرۋ مۇمكىندىگى بار. جوسپارلانعان ويىن-ساۋىق شارالارى - اراسىندا ارت-ايماق، سىيلىقتار وينالاتىن فۋتبول دارتسى، Maxi چاي جارنامالىق ايماعىنىڭ ساتتىلىك رۋلەتكاسى.

ەرەسەك ادامدارعا ونلاين تولەم جاساۋ كەزىندە قاتىسۋ قۇنى18 شىلدەگە دەيىن ەرەسەكتەرگە 5000 تەڭگە، بالالارعا - 3500 تەڭگە. ەرەسەك ادامعا ارنالعان بيلەت قاتىسۋشىلاردىڭ جيىنتىعىندا فۋتبولكا، ريۋكزاك، قاتىسۋشى ءنومىرى جانە مارەگە جەتكەندە تاپسىرىلاتىن مەدال بار. ونلاين تىركەلى 18 شىلدە كۇنى ساعات 23:59 اياقتالادى. . 19-20 شىلدە كۇنى تىركەلۋىز قاتىسۋ قۇنى بالالارعا 4500 جانە ەرەسەكتەرگە 6000 تەڭگە. بۇل جاعدايدا قاتىسۋشى جيىنتىعىن ياركوكروسس اقپارات ورتالىعىنان الۋ كەرەك. بالالار جيىنتىعىندا فۋتبولكا جوق، بىراق ونى قاتىسۋشىلارعا جيىنتىقتاردى تاپسىرۋ كەزىندە ساتىپ الۋعا بولادى. ءۇش جاسقا دەيىنگى بالالار قاتىسۋشى جيىنتىعىسىز تەگىن قاتىسا الادى. بيلەتتەردى سىلتەمە بويىنشا ساتىپ الۋعا بولادى.

تىركەلگەن قاتىسۋشىلارعا ارنالعان جيىنتىقتار 19 شىلدەدە 11.00-دەن 22.00-گە دەيىن ترياتلون پارك استانا كەشەنىندە تاراتىلادى.

«ياركوكروسس 7 جىل ىشىندە 250 ادام قاتىسقان ءبىرىنشى شاعىن جارىستان 17 مىڭ جۇگىرۋشى جيناعان جارقىن رەسپۋبليكالىق قوزعالىسقا اينالدى. وسى ۋاقىت ىشىندە فەستيۆال قازاقستاننىڭ 7 قالاسىندا وتكىزىلدى جانە ولارعا بارلىعى 30 مىڭ ادام قاتىستى. فەستيۆالدى قولداۋشىلار قاتارى ارتىپ كەلە جاتقانىنا قۋانىشتىمىز. 2019 جىلى ءبىز الماتى مەن قاراعاندىدا وتكىزدىك. نۇر-سۇلتان قالاسىنان كەيىن كوكشەتاۋ جانە شىمكەنت قالالارىندا جازعى جارىستاردى جوسپارلاپ وتىرمىز. ءبىز وسى قالا تۇرعىندارى مەن قوناقتارىن جارىسقا قاتىسۋعا شاقىرامىز، ۇمىتىلماس قۋانىشقا بولەنىپ، ياركوكروسس قايىرىمدىلىق ميسسياسىنا ۇلەس قوسىڭىزدار»، - دەدى جوبانىڭ باس ۇيلەستىرۋشىسى الەكساندرا كوملەەۆا.

فەستيۆال ميسسياسى وزگەرىسسىز قالدى. جينالعان قاراجات اعاش وتىرعىزۋعا جانە سپورت الاڭدارىن ورناتۋعا جىبەرىلەدى. جوبا توبى مەن ەرىكتىلەر بۇكىل ەل بويىنشا 1150 اعاش وتىرعىزدى. وتكەن جىلى تۇسىمدەر «اۋتيزم پوبەديم» قاۋىمداستىعىنىڭ باسكەتبول جانە ۆولەيبول الاڭدارىن جابدىقتاۋعا ءبولىندى.

تەگتەر ياركوكروسس

سوڭعى جاڭالىقتار