15 شىلدە, 11:04 291 0 بىلگەنگە مارجان Túrkistan Gazeti

#Abai175: جالپىۇلتتىق چەلەندج حالىقارالىق سيپات الدى

اباي ولەڭدەرىنەن ءۇزىندى وقۋ ەستافەتاسىنا ديماشتىڭ يتاليالىق جانكۇيەرى دە ءۇن قوستى. ديماش قۇدايبەرگەننىڭ 73 جاستاعى تىڭدارمانى ۇلى اقىننىڭ «اسەمپاز بولما ارنەگە» ولەڭىن قازاق تىلىندە مانەرلەپ وقىعان.

اتالمىش ۆيدەونى قر پرەزيدەنتىنىڭ ءباسپاسوز حاتشىسى بەرىك ءۋالي ءوزىنىڭ Facebook پاراقشاسىندا ءبولىستى. بەرىك ءۋاليدىڭ ايتۋىنشا، مەملەكەت باسشىسى قاسىم-جومارت توقاەۆ ءۇن قوسقان ەستافەتا بىردەن جالپىۇلتتىق سيپات العان.

«تاقتاعى پاتشادان تاياق مىنگەن بالاعا دەيىن xاكىم اباي ءسوزىن جاتقا سوقساق، ەلدىڭ ەرتەڭى قالاي ەكەنىن باعامداۋعا بولاتىن شىعار»، - دەپ جازعان ءباسپاسوز حاتشى وزگە ەتنوس وكىلدەرىنىڭ دە ەستافەتاعا قازاق تىلىندە ءۇن قوسقان بەينەتۇسىرىلىمدەرىن سالعان.

ولاردىڭ ءبىرى ولەڭ وقىسا، ءبىرى ابايدىڭ اندەرىن ناقىشىنا كەلتىرە ورىنداعانىن كورۋگە بولادى.

ەسكە سالساق، بۇعان دەيىن قر پرەزيدەنتى قاسىم-جومارت توقاەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.

كەيىن رەسەيدىڭ حالىق ءارتiسi يگور كرۋتوي ديماش قۇدايبەرگەن جولداعان ەستافەتانى قابىل العان بولاتىن.

تەگتەر #Abai175 چەلەندج

سوڭعى جاڭالىقتار