14 شىلدە, 17:55 551 0 الەۋمەت Túrkistan Gazeti

قازاقستاننىڭ ۇزدىك تاۋارى قايسى؟

نۇر-سۇلتاندا «قازاقستاننىڭ ۇزدىك تاۋارى» جىل سايىنعى وڭىرلىك ىرىكتەۋ بايقاۋ-كورمەسى ءوتتى

ەكسپورتتىق كوميسسيا وڭىرلىك تۋر بارىسىندا ەلوردادا وندىرىلەتىن ۇزدىك تاۋارلاردى ءۇش نوميناتسيا: «وندىرىستىك باعىتتاعى ۇزدىك تاۋار»، «حالىققا ارنالعان ۇزدىك تاۋار»، «ۇزدىك ازىق-تۇلىك تاۋارلارى» بويىنشا انىقتادى. سالتاناتتى شارادا نۇر-سۇلتان قالاسى اكىمىنىڭ ورىنباسارى باقتيار ماكەن كونكۋرستىڭ وتاندىق ءوندىرىس تاۋارلارىن، سونداي-اق شاعىن جانە ورتا بيزنەستى دامىتۋدا ماڭىزدىلىعىن اتاپ ءوتتى. «ءبىز ءوز ەڭبەگىمەن بيزنەستى دامىتىپ جاتقان ادامداردى كورىپ، قۋانىپ وتىرمىز. بۇل اسا ماڭىزدى، سەبەبى ءبىزدىڭ قالامىز دا كوركەيىپ، دامىپ جاتىر. قالا باسشىلىعى ءبىزدىڭ تاۋار وندىرۋشىلەرىمىزدىڭ دەڭگەيىن ارتتىرۋعا باسا نازار اۋدارىپ وتىر. بارلىق قاتىسۋشىلارعا، ۇيىمداستىرۋشىلار مەن قالا تۇرعىندارىنا قاتىسقاندارى ءۇشىن العىس ايتامىن. قالالىق اكىمدىكتىڭ اتىنان جەڭىمپازدادى قۇتتىقتاپ، تولاعاي تابىستار تىلەيمىن!»، - دەدى باقتيار ماكەن.

نۇر-سۇلتان قالاسى كاسىپكەرلەر پالاتاسىنىڭ ديرەكتورى المات ءجۇنىسوۆ بيىل كونكۋرس-كورمەگە قاتىسۋشىلار سانىنىڭ رەكوردتىق دەڭگەيگە جەتكەنىن اتاپ ءوتتى. «وسى جولى كورمە-بايقاۋعا 100-دەن استام استانالىق كومپانيا قاتىستى، ونىڭ 70% – جاڭا قاتىسۋشىلار! بايقاۋعا تەلەكوممۋنيكاتسيالىق جابدىقتار، اۆتوموبيل جانە ۆاگون تارازىلارى، قۇرعاق قۇرىلىس قوسىندىلارىن، سپورتتىق تاعامدار مەن قولونەر ىرىمشىكتەرىن، سونداي-اق ءتىس پاستاسى، بالالار كيىمدەرى مەن ويىنشىقتارى، دايىن تاعامدار مەن كونديتەرلىك ءونىم وندىرۋشىلەرى قاتىسىپ جاتىر. بۇل بايقاۋ-كورمەنى نۇر-سۇلتان قالاسى كاسىپكەرلەر پالاتاسى ۇيىمداستىرىپ وتىر»، - دەدى المات ءجۇنىسوۆ. كونكۋرستا تومەندەگى كومپانيالار جەڭىمپاز اتاندى: «زگم «پەنەترون-كازاحستان» جشس، «تسەلينگيدروماش» جشس، «كومپانيا «ۆەلس» جشس، «DANMARD» جشس، «قازاق ويۋلارى» جشس، «Digital System Servis» جشس، «Kazak House» جك، «Golden Rill Group» جشس، «الاۋ تم» جشس.

 

سوڭعى جاڭالىقتار