11 شىلدە, 10:17 331 0 ىشكى ساياسات Turkystan Support

بولات كاليانبەكوۆ – «Nur Media» حولدينگىنىڭ باس ديرەكتورى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك Twitter-دەگى پاراقشاسىندا: «ەلباسى، «Nur Otan» پارتياسىنىڭ توراعاسى ن.ءا.نازارباەۆ «Nur Media» حولدينگىنىڭ جۇمىسىن قايتا قالىپتاستىرۋدى الدىمىزعا مىندەت ەتىپ قويدى. بۇل باعىتتا پارتيا رەسۋرستارىنىڭ جۇمىسىن «جاڭا» مەدياعا باسىمدىق بەرە وتىرىپ جۇرگىزۋدىڭ ماڭىزى زور. وسىعان بايلانىستى بولات كاليانبەكوۆ حولدينگتىڭ باس ديرەكتورى قىزمەتىنە تاعايىندالدى. جاڭا قىزمەتتە تابىس پەن ساتتىلىك تىلەيمىن!» دەپ جازدى.

بولات كاليانبەكوۆ 1979 جىلى تۋعان. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «ساياساتتانۋ» جانە قازتۇتىنۋشىلاروداعى قاراعاندى مەملەكەتتىك ۋنيۆەرسيتەتىنىڭ «قۇقىقتانۋ: ەكونوميكا سالاسىنداعى قۇقىقتىق رەتتەۋ» ماماندىعى بويىنشا تامامداعان.

مادەنيەت جانە اقپارات مينيس­ترلىگىندە ءار جىلدارى قاتارداعى مامان، ءبولىم باسشىسى، باسقارما باسشىسى، سونداي-اق، اقپارات جانە ارحيۆتەر كوميتەتىنىڭ توراعاسى قىزمەتتەرىن اتقارعان. پرەزيدەنت اكىمشىلىگى ىشكى ساياسات ءبولىمىنىڭ اقپاراتتىق سالا سەكتورىنىڭ ينسپەكتورى ءارى جەتەكشىسى بولدى. قاراعاندى قالاسىنىڭ ىشكى ساياسات دەپارتامەنتىندە جانە اقپارات باسقارماسىندا ەڭبەك ەتكەن. قاراعاندى وبلىسىنىڭ ساران قالاسى اكىمدىگىندە جاستار ساياساتى ماسەلەسىمەن اينالىسقان.

قر جوعارعى سوتىنىڭ ءباسپاسوز حاتشىسى، 2019 جىلدىڭ 5 ناۋرىزىنان بەرى «الماتى» تەلەارناسىنىڭ باس ديرەكتورى قىزمەتتەرىن اتقاردى.

سوڭعى جاڭالىقتار