11 شىلدە, 10:13 326 0 جاڭالىقتار Turkystan Support

«Túrkistan» تويى قىرعىز جەرىندە اتالىپ وتپەك

12-14 شىلدە ارالىعىندا قىرعىزستاننىڭ ىستىقكولىندە وسىمەن جەتىنشى مارتە ۇيىمداستىرىلىپ وتىرعان حالىقارالىق جۋرناليستيكا جانە كوممۋنيكاتسيا جازعى مەكتەبى «Túrkistan» حالىقارالىق گازەتىنىڭ 25 جىلدىق مەرەيتويىنا ارنالىپ وتىر.

ءال-فارابي اتىنداعى قازاق ۇلتتىق ۋني­ۆەرسيتەتى جۋرناليستيكا فاكۋلتەتىنىڭ ۇيىم­داستىرۋىمەن وتەتىن حالىقارالىق جۋرناليستيكا جانە كوممۋنيكاتسيا جازعى مەكتەبىندە باسىلىم قىزمەتكەرلەرى ءدارىس وقىپ، ءوز تاجىريبەلەرىمەن بولىسپەك. اتاپ ايتقاندا، «تۇركىستان» حالىقارالىق گازەتى» جشس ديرەكتور-باس رەداكتورى قۋات اۋەسباي، باس رەداكتوردىڭ ورىنباسارى بەيبىت توقتارباي، جاۋاپتى حاتشى دينارا مىڭجاسارقىزى، شولۋشى احمەت ومىرزاق جازعى مەكتەپ قاتىسۋشىلارىنا گازەت شىعارۋ، اقپاراتتىق-ساراپتامالىق تالدامالى ماتەريالداردى بۇگىنگى تالاپقا ساي ازىرلەۋ، وڭدەۋ ماسەلەسى، كونۆەرگەنتتى جۋرناليستيكا قاعيدالارى تۋرالى باياندايتىن بولادى. اتالعان ءىس-شاراعا سونىمەن قاتار، ەلىمىزدىڭ جانە كورشىلەس شەت مەملەكەتتەردىڭ ۇزدىك مەديا ماماندارى، قر بۇۇ اقپاراتتىق بيۋرو جەتەكشىسى، شەتەلدىك جوو وقىتۋشىلارى مەن قازاقستاننىڭ قىرعىزستانداعى ەلشىلىگىنىڭ وكىلدەرى  قاتىسادى.

«تۇركىستان-اقپارات»

سوڭعى جاڭالىقتار