9 شىلدە 2019, 13:59 467 0 ءبىلىم Túrkistan Gazeti

بيللي دجو سوندەرس گولوۆكيندى جەڭەتىنىنە سەنىمدى

بريتانيالىق بيللي دجو سوندەرس MTK Global پروموۋتەرلىك كومپانياسى ۇيىمداستىرعان نۇر-سۇلتانداعى بوكس كەشىندە قوناق بولىپ، قازاقستاندىق گەننادي گولوۆكينمەن جۇدىرىقتاسۋعا دايىن ەكەنىن ايتتى.

سوندەرستىڭ پروموۋتەرى بوب ارۋمنىڭ (Top Rank Promotions) پىكىرىنشە، بريتانيالىق بوكسشى GGG-ءدى جەڭە الادى. پروموۋتەر سوندەرستىڭ مەكسيكالىق ساۋل الۆارەستى دە جەڭەتىنىنە سەنىمدى.

"مەنىڭشە، سوندەرس - گولوۆكينمەن گيپوتەزالىق جەكپە-جەكتىڭ ءفاۆوريتى. الۆارەسپەن جەكپە-جەكتە دە فاۆوريت بولادى. گولوۆكين وزىنە قارسىلاس ىزدەپ جاتىر. باسەكەلەس بولا الاتىن ادام ىزدەسە، سوندەرسكە نازارىن اۋدارعانى ءجون. كەلەسى جەكپە-جەگىن وسى جىگىتكە قارسى وتكىزۋى كەرەك", - دەدى ارۋم.

ايتا كەتەيىك، بيللي دجو سوندەرس 6 شىلدەدە ەلورداداعى "بارىس-ارەنادا" وتكەن بوكس كەشىنە قاتىسىپ، رينگتە قازاقستانعا العىسىن ايتقان. سونىمەن قاتار، گولوۆكينگە قازاقستاندا جەكپە-جەك وتكىزۋدى ۇسىنعان بولاتىن.

سوڭعى جاڭالىقتار