9 شىلدە 2019, 11:32 494 0 قاۋىپسىزدىك Túrkistan Gazeti

وق-ءدارى قويمالارى جاپپاي تەكسەرىلمەك

قر قورعانىس ءمينيسترى نۇرلان ەرمەكباەۆتىڭ بۇيرىعىمەن قۇرىلعان ارنايى كوميسسيا وق-ءدارى قويمالارىن تەكسەرۋدى باستادى" دەپ حابارلايدى قر قورعانىس مينيسترلىگىنىڭ ءباسپاسوز قىزمەتى. 

كوميسسيا وق-دارىلەردى ساقتاۋ سالاسىندا ارناۋلى تەحنيكالىق بىلىمدەر مەن تاجىريبەگە يە جوعارى بىلىكتى اسكەري مامانداردان قۇرالعان. ول اسكەري قىزمەتشىلەر قر قارۋلى كۇشتەرى قۇرامالارى مەن بازالارىنداعى زىمىران-ارتيللەريا قارۋىن، وق-دارىلەردى ساقتاۋعا بايلانىستى كوماندالىق لاۋازىمداردا قىزمەت اتقارعان. سونىڭ ىشىندە قر قك قۇرلىقتاعى اسكەرلەر باس قولباسشىسىنىڭ  ورىنباسارى (2004-2005) لاۋازىمىن اتقارعان زاپاستاعى گەنەرال-مايور ۆ. نازارەنكو جانە قر قك باس شتابىنىڭ ۇيىمداستىرۋ-موبيليزاتسيا جۇمىستارى دەپارتامەنتىنىڭ باستىعى بولعان (2016-2018) زاپاستاعى گەنەرال-مايور م. دايروۆ بار. تەكسەرىس كەزىندە كوميسسيا وق-دارىلەردى ساقتاۋ ءتارتىبىن، جاعدايلارىن، ءورت قاۋىپسىزدىگى ەرەجەلەرىنىڭ ساقتالۋىن ەسكەرەدى. بۇدان بولەك، جەر-جەردە ءىس جۇزىندە كومەك كورسەتىلىپ، وق-ءدارى ساقتاۋ نىساندارىنىڭ قاۋىپسىزدىگىن كۇشەيتۋ شارالارى ايقىندالادى.

 

سوڭعى جاڭالىقتار