5 شىلدە, 12:07 400 0 قوعام Turkystan Support

«Elbasy.kz» ىسكە قوسىلدى

قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان نازارباەۆ جايلى تىڭ اقپاراتتار مەن قىزىقتى مالىمەتتەردى ەندى ءبىر جەردەن وقىپ، باقىلاپ وتىرۋعا بولادى. نۇرسۇلتان ءابىشۇلىنا ارنالعان Elbasy.kz سايتى ىسكە قوسىلدى. «Elbasy.kz سايتىنىڭ جۇمىسىنا ەلباسى كەڭسەسى، پرەزيدەنت ءىس باسقارماسى جانە تۇڭعىش پرەزيدەنت قورى سەكىلدى بىرقاتار قىزمەت جۇمىلدىرىلدى. بۇل رەسۋرستى قۇراستىرۋ ءۇشىن سايت جاساۋ جانە ديزاين سالالارىنداعى بىلىكتىلىگى جوعارى ماماندار تارتىلعانىن دا ايتا كەتۋ كەرەك»، – دەيدى ايدوس ۇكىباي.

سايت ديزاينى ەرەكشە جاسالعان. تۇڭعىش پرەزيدەنتتىڭ باستاپقى بەتتەگى سۋرەتتەرى قولدانۋشى ينتەرنەت-رەسۋرسقا كىرگەن بويدا ۇنەمى اۋىسىپ تۇرادى. «ءبىز 30 سۋرەتتى تاڭداپ الدىق. بۇل – سيمۆوليكالىق سان. ارحيۆتىك فوتولاردى جوعارى ساپادا كوشىرىپ الۋعا بولادى. جاڭا ماتەريالدار تۇسكەن سايىن مەدياگالەرەيا دا جاڭارتىلىپ وتىرادى»، – دەيدى ەلباسىنىڭ ءباسپاسوز حاتشىسى ا.ۇكىباي.  Elbasy.kz سايتىندا نۇرسۇلتان ءابىشۇلىنىڭ ءومىربايانى تۋرالى تولىق مالىمەت بار. ودان قالدى ەلباسى كەڭسەسىنە، «Nur Otan» پارتياسىنا، قاۋىپ­سىزدىك كەڭەسى مەن قازاقستان حالقى اسسامبلەياسىنا ارنالعان بولىمدەر دە قامتىلعان. تاعى ءبىر ايتا كەتەرلىك جايت، سايتتى شولىپ شىققان وقىرماندار بولسا، پىكىر ءبىلدىرىپ ءوز ويىمەن بولىسسە بولادى. سايتتىڭ ىسكە قوسىلعانى تۋرالى حاباردى جەت­كىز­گەن ءباسپاسوز حاتشىسى تۆيتتەردە: «دوستار، تۇڭعىش پرەزيدەنتتىڭ رەسمي ينتەرنەت-رەسۋرسى Elbasy.kz  ىسكە قوسىلدى. جاڭا سايتقا بايلانىستى ۇسىنىستارىڭىز بەن پىكىرلەرىڭىزدى، تىلەكتەرىڭىزدى وسى پوستتىڭ استىنا قالدىرساڭىزدار قۋانار ەدىم»، – دەپ جازدى.

«تۇركىستان-اقپارات»

 

تەگتەر Elbasy.kz

سوڭعى جاڭالىقتار